Bible
Choose Language
Old Testament Books
New Testament Books
ПСАЛТИРЬ
141-тӥ ПСАЛОМ
Давидлэн дышетонэз. Гурезьысь гуын улыкуз солэн вӧсяськемез.*а
1Куараме поттыса, Кузё-Инмарлы вазиськи,
куараме поттыса, Кузё-Инмарлы вӧсяськи.
2Тэльмыронме Со азе кисьтӥ, кӧтӝожме Солы усьтӥ.
3Пушкам лулы курадӟыку, улон сюресме Тон тодӥськод вал.
Ветлон сюрес вылам лушкемен соос мыным сьӧлтэтъёс пуктӥзы.
4Учкисько бурпала но адӟисько: нокин но монэ уг тодма,
ватӥськон интые ӧвӧл, лулы сярысь нокин но уг сюлмаськы.
5Мон Тыныд, Кузё-Инмаре, вазиськи но шуи:
«Тон мынам ватӥськон интые,
улэпъёслэн музъем вылысьтызы мынам люкетэ».
6Кыл мынэсьтым викышъям куараме, мон чылкак катьтэмми ни.
Уллясьёсылэсь монэ мозмыты, соос мынэсьтым кужмогес луизы ни.
7Тынэсьтыд нимдэ данъяны мед быгатом шуыса,
лулме пеймыт ворсэтысь потты.
Тон мыным ӟечлыктэ возьматӥд ке,
мон котыре шонер улӥсьёс люкаськозы.
*а 141:0 1 Экс. 22:1; 24:3
Глава 141
