Bible
Choose Language
Old Testament Books
New Testament Books
ПСАЛТИРЬ
140-тӥ ПСАЛОМ
Давидлэн крезьгурез.
1Кузё-Инмаре! Тыныд вазиськисько:
дырты юрттыны,
Тыныд вазиськыкум, вӧсяськем кылъёсме санэ пон.
2Вӧсяськеме, фимиам кадь, Тынад азяд мед мыноз,
киосме вылэ ӝутэме ӝытазе сётӥськись курбон мед луоз.
3Кузё-Инмаре, ымылы возьмаськись пукты,
ымылэсь ӧссэ чакла-уть.
4Сюлмылы кескич кылъёс пала кариськыны,
законлы пумит улӥсьёсын валче сьӧлыко ужъёсын вырыны эн лэзьы,
соослэсь ческытлыкъёссэс медам но оскалты.
5Шонер улӥсь монэ вӧсь мед кароз: со – гажан-жалян;
сьӧлыкъёсме шарае мед поттоз – та ваньмызлэсь дуно вӧй,
со мынам йырылы урод уз кары,
нош мон вӧсяськисько
сьӧлыклэсь кышкасьтэмъёслэн сьӧсь ужъёссылы пумит.
6Соослэн азьветлӥсьёссы гурезьёсы пазьгиськизы,
соос кылӥзы, мынам кылъёсы лякытэсь вылэм шуыса.
7Сюй комоклэн пырдэмез кадь
лыоссы ад пыдэслэн ымаз кисьтӥсько.
8Нош мон Тон пала, Кузё-Инмаре, Кузё-Инмаре,
синъёсме ӝутӥсько,
Тыныд оскиськисько, лулме быдтыны эн сёт.
9Монэ кутыны пуктэм выоссылэсь-кыӵесъёссылэсь,
законлы пумит улӥсьёслэн сьӧлтэтъёссылэсь уть монэ.
10Сьӧлыклэсь кышкасьтэмъёс выосазы-кыӵесъёсазы сюрылозы,
нош мон – утисько.
Глава 140
