Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ РИМЕ МЫНОН СЮРЕС ВЫЛЫН
Павелэз пытсэтэ ворсазы Инмармы, Утисьмы Иисус Христос сярысь тодытэмез понна. Аслэсьтыз янгыштэм луэмзэ тодыса, Павел кесарез суд мед ортчытоз шуыса куриз. Соин ик сое пытсэтын мукет пукисьёсын ӵош Риме келязы.
Уякузы зарезь вылын кужмо сильтӧл ӝутскиз но корабльзэс, тулкымъёсын шуккылыса, ас эрказ нуллыны кутскиз. Куинетӥ нуналаз корабльысьтызы вань арбериоссэс зарезе куязы. Трос нуналъёс ӵоже сильтӧл дугдылытэк пельтэмысь адямиослэн утиськыны осконзы быриз. Трос дыр ӵоже нокин но номыр ӧз сиы. Соку Павел ваньмызлэн шоразы султыса шуиз: «Воргоронъёс!.. али ваньдэс сэзь-сэзь кариськыны курисько, малы ке шуоно, тӥ пӧлысь одӥг лул но уз быры, – корабль гинэ быроз. Та уе Инмарлэн кылчинэз мон азе султӥз но шуиз: “Эн кышка, Павел! Тыныд кесарь азе султоно на, но тани, Инмар ваньзэс тонэн ӵош уясьёсты улэп кельтоз“. Соин ик, воргоронъёс, йыгмыт кариське, кызьы мыным верамын вал, озьы луоз шуыса, мон Инмарлы оскисько; асьмеос кыӵе ке но шормуӵе куштэмын луыны кулэ».
Дас ньылетӥ нуналаз кораблез валтӥсьёс адӟизы нялмыт ярдуро кожез, малпазы отчы дугдыны. Нош корабльзы лазег интые, сюй вылэ пуксиз, соку бадӟымесь тулкымъёс шуккылӥськыса, сое сузмытыны кутскизы. Уяны быгатӥсьёсты ярдуре уяса мыныны косӥзы, нош мукетъёссэ, пулъёс, коръёс борды кутскыса, музъем вылэ потыны косӥзы. Озьы, корабльысь ваньзы кык сю сизьымдон куать муртъёс утиськыны быгатӥзы. Та шормуӵын улӥсьёс адямиез гажась-жалясь луэмзэс возьматӥзы. Кузё-Инмар Павел апостол пыр соослы трос паймымон ужъёс возьматӥз.
Куинь толэзь татын улэм беразы, Александриысь вуэм кораблен соос Риме вырӟизы.
Апостолъёслэн ужъёссы 25:1-12; 27:14-44; 28:1-11
484 
