Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ ФЕСТ КИВАЛТӤСЬ ДОРЫН
Иерусалимысен Павелэз еврейёслэн Синедрион шуыса нимаськись вылӥ судазы ваизы.
Со уе ик, изкарысен Павеллы Кузё-Инмар возьматскиз, Со шуиз: «Эн кышка, Павел! Кызьы Иерусалимын тон Мон сярысь ивортӥд, озьы ик Римын но тыныд ивортоно луоз». Мукетаз нуналэ ньыльдонлэсь но тросгес иудейёс кыл сётӥзы, Павелэз виытозязы, номыр но сиытэк, юытэк улыны. Та кескич малпанэз тодэм бераз, сюрс солдатэн кивалтӥсь Павелэз Кесарияе келяз. Сое келяса пыдын кык сю солдатъёс мынӥзы, эшшо сизьымдонэз вал вылын пукизы, соосын артэ ик кык сю мурт пукыӵен ыбылӥськисьёс вал. Кесарияысен Павелэз вуттӥзы Феликс нимо Рим кунысь та ёросэн кивалтӥсь доры. Павеллэсь нокыӵе но янгышъёссэ ӧз ке но шедьты, со сое жильыет улэ кельтӥз.
Кык ар ортчыса, Феликс интые кивалтӥсе Порций Фестэз пуктӥзы. Кӧня ке нунал ортчыса, Агриппа эксэй Вереника кышноеныз Кесарияе Фестэз ӟечкыланы лыктӥзы. Павелэз кылзӥськыны Фест луонлык кылдытӥз. Мукетаз нуналэ Агриппаен Вереника туж шоголь дӥсяськыса лыктӥзы но сюрс солдатэн кивалтӥсьёсын, городысь нимо-дано адямиосын ӵош суд ортчытон интые пыризы. Фестлэн косэмезъя, татчы Павелэз вуттӥзы. Павел вераз аслаз улонэз, Кузё-Инмар пала берытскемез, Христос сярысь: «Инмар мыным юрттэмен, туннэ нуналозь но сылӥсько. Покчиослы но, бадӟымъёслы но ивортӥсько... кызьы Христос курадӟоно луиз, кулэмъёс пӧлысь нырысь ик султӥз но иудейёслы, мукет калыкъёслы но югыт сярысь тодытӥз».
Павел тазьы вераса улыку, Фест бадӟым куараен шуиз: «Визьтэмъяськиськод тон, Павел! Трос дышетскемед тонэ визьтэм луон калэ вуттэ». «Гажано, Фест, – Павел вераны кутскиз, – мон уг визьтэмъяськиськы, ваньмыз со визьмын но зэм верамын...»
Апостолъёслэн ужъёссы, 23-тӥ – 26-тӥ люкетъёс
482 
