Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 25

25-тӥ ЛЮКЕТ

1Фест та ёросэн кивалтӥсь луэм бераз, куинь нунал ортчыса, Кесарияысь Иерусалиме мынӥз.2Соку архиерей но иудейёс пӧлысь кузёйыръёс со доры Павел вылэ урттылӥськыны лыктӥзы, сое оскытыны выризы.3Соос сюлмысьтызы куризы, Павелэз Иерусалиме мед ӧтьытоз шуыса, нош асьсэос сюрес вылысен сое кескич амалэн виыны малпазы.4Фест ответ сётӥз: «Павел Кесарияын возьмаськисьёс киулын возиське, но ӝоген мон ачим отчы мыно.5Та адямилэн мар ке но сыӵе-таӵе янгышъёсыз вань ке, тӥ пӧлысь кузёйыръёс монэн ӵош Кесарияе мед мынозы но сое янгыше мед уськытозы».

6Фест соос дорын оло тямыс, оло дас нуналъёс улӥз, собере Кесарияе берытскиз. Мукетаз нуналэ судьялэн интыяз пуксиз но Павелэз ас дораз вайыны косӥз.7Павелэз татчы ваем бере Иерусалимысь лыктэм иудейёс, котырак султыса, Павел вылэ трос секытэсь янгыше уськытонъёс вераны кутскизы, нош соосты уж вылын возьматыны ӧз быгатэ.8Нош со ассэ утьыса шуиз: «Иудейёслэн законзылы но, храмлы но, кесарьлы но пумит мон нокыӵе ик йыруж ӧй лэсьты».9Фест, иудейёслы кельшыны-яраны тыршыса, Павеллы ответ сётыса шуиз: «Та ужъя Иерусалимын суд лэсьтэмме возьмаськод-а, отчы мынэмед потэ-а?»10Павел шуиз: «Мон кесарьлэн судэз азьын сылӥсько, отын монэ судить карыны кулэ но. Иудейёслы мон номыр но уродзэ ӧй лэсьты, со сярысь тон но ӟеч тодӥськод.11Шонертэм уж лэсьтӥськем ке, виыны ярамон уж лэсьтӥськем ке, соку мон кулонлэсь мозмытскыны уг тыршиськы; нош монэ янгыше уськытӥсьёслэн веранзы зэм ӧвӧл ке, соку нокин но монэ соос кие сётыны уг быгаты: соин ик мон али кесарьлэсь судзэ курисько».12Соку Фест кенешен вераськем бераз ответ сётӥз: «Тон кесарьлэсь судзэ курид бере, кесарь доры ик мынод».

13Кӧня ке нунал ортчыса, Кесарияе Фестэз ӟечкыланы Агриппа эксэен Вереника лыктӥзы.14Соос отын трос нуналъёс улэм бере Фест Павеллэсь ужзэ эксэйлы эскерыны ӵектыса шуиз: «Татын вань Феликслэн жильыетэ кельтэм адямиез.15Со вылэ мон Иерусалиме вуылон дыръя иудей архиерей но тӧроос урттылӥськыны вуылӥзы, куризы сое судить карыны.16Мон соослы шуи: ”Янгыше уськытӥськись мурт аслэсьтыз янгыше уськытӥсьсэ ваче син ӧз ке адӟы, янгыше уськытонлэсь утиськыны луонлык ӧз ке басьты, Рим кунысь адямиослэн нокинэ но виён киулэ сётыны сямзы ӧвӧл”.17Нош соос татчы лыктэм бере чик ӝегатскытэк мукетаз нуналэ судьялэн интыяз мон пукси но со адямиез вайыны косӥ.18Солэн янгыше уськытӥсьёсыз котыраз султӥзы, нош одӥг но шексэ ӧз вералэ, кудъёсыз сярысь мон малпасько вал.19Инмарлы оскон пумысен куд-ог ченгешонъёссы вал, нош озьы ик кыӵе ке но кулэм Иисус нимо пиосмурт пумысен но ченгешизы, Кудӥз сярысь Павел Со улэп шуыса вераз.20Та ужпумез сэрттыны-пертчыны шугъяськыса, мон Павеллы шуи: ”Потэ-а тынад Иерусалиме мынэмед но та пумысен отын суд азе султэмед?”21Нош Павел аслэсьтыз ужзэ кесарьлэн судаз эскерыны куриз, соин ик кесарь доры ыстытозь, сое мон пытсэтын возьыны косӥ».22Соку Агриппа Фестлы шуиз: «Мон ачим но та адямиез кылзысал». – «Ӵуказе сое кылод», – соиз ответ сётӥз.

23Мукетаз нуналэ Агриппаен Вереника туж шоголь дӥсяськыса лыктӥзы но сюрс солдатэн кивалтӥсьёсын, городысь нимо-дано адямиосын ӵош суд ортчытон интые пыризы. Фестлэн косэмезъя, Павелэз вайизы.24Фест шуиз: «Агриппа эксэй но татчы люкаськем вань калык! Тӥ адӟиськоды та адямиез, соин сэрен Иерусалимын но, татын но улӥсь туж трос иудейёс монэ ёртӥзы, ”виёно сое, дунне вылын со медаз ни улы” шуыса кесяськизы.25Мон валай, виён понна со номыр но сыӵе-таӵезэ ӧз лэсьты шуыса, нош со ачиз кесарь дорын суд ортчытыны куриз бере, мон сое кесарь доры ыстоно кариськи.26Со сярысь эксэйлы мар гожтыны уг тодӥськы, соин ик мон сое тӥ азе вайи, уката ик тон азе, Агриппа эксэй. Эскерем-чаклам бере эксэйлы мар ке но гожтыны мон мед быгатысал.27Уго жильыетын пукисез, солэсь янгышъёссэ-шекъёссэ ивортытэк, келяны визьмо ик уз луы кадь потэ мыным».


предыдущая глава Глава 25 следующая глава