Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛЛЭН КУИНЕТӤ ПОЛЗЭ ДЫШЕТЫНЫ-ТОДЫТЫНЫ ПОТОНЭЗ
Антиохияысь потыса, Павел куинетӥ ползэ дышетыны-тодытыны кошкиз. Со нош ик уйпала мынӥз. Фригия пыр потыса, со вуиз Эгей зарезь дурысь Ефес каре. Та городын Павел кык ар пала улӥз. Татын улӥсьёс – иудейёс но, еллинъёс но – Иисус Кузё-Инмар сярысь тодытонэз кылӥзы. Павеллэн киыныз Инмар трос паймымон ужъёс лэсьтӥз.
Ефесын Артемидалэсь азвесь храмзэ лэсьтыса синпельлы вузасьёс, азвесь тӥрлык дурисьёс, суредасьёс Павеллы но христиан черклэн кивалтӥсьёсызлы пумит бадӟым бугыръяськон ӝутӥзы. Павеллы Ефесысь кошконо луиз... Македонияысь, Грециысь пӧртэм интыосы вуылэм бераз, со, Покчи Азиысь Патара но Тир городъёс пыр потыса, Птолемаидае вуиз. Птолемаидаысен со пыдын потӥз Кесарияе, отысен – Иерусалиме. Иерусалимысен сое пытсэтэ ворсазы. Куинетӥзэ дышетыса-тодытыса со ог куинь-ньыль ар пала ветлӥз, 54–57 аръёсы.
Павел апостол, Иисус Христослэсь Ӟеч Иворзэ тодытэм понназ, трос курадӟон чидано луиз. Ачиз Павел гожтэ: «Мон соослэсь тросгес ужай-тырши, лыдъянтэм пол яраё, вӧсь каремын вал; трос пол пытсэтъёсын монэ возизы, трос пол бырон калэ вуылӥ. Иудейёс монэ, вить пол кутскыса, куамын укмыс пол ньӧрен шуккизы; куинь пол кутскыса, монэ бодыен жугизы; одӥг пол изэн лэзьяса жугизы. Куинь пол корабль куашканэ-выёнэ учырай, уй но нунал ӵоже зарезь ву вылын улоно луи. Мон ялан сюрес вылын вал. Шуръёс вылын кышкыт учыръёсы сюрылӥ; йырвандӥсьёслэсь, ас иудей калыкелэн лек муртъёсызлэсь, язычникъёслэсь кышкаса улоно луылӥ. Нош городъёсын, кыр дуннеосын, зарезь вылъёсын кӧня чидано луылӥ! Ӧрекчи агай-вынъёс пӧлын но кӧня куректон-кайгу вал...»
Апостолъёслэн ужъёссы 18:23 – 21:34; Коринф карын улӥсьёслы ыстэм 2-тӥ гожтэт 11:23-26
476 
