Выбрать язык
Книги Ветхого Завета
Книги Нового Завета
без русского текстаКУГЫЖАНЫШ-ВЛАКЫН ИКЫМШЕ КНИГАШТ | ПЕРВАЯ КНИГА ЦАРСТВ |
31 Глава | 31 Глава |
| 1 Филистим-влак Израиль дене кредалыныт. Израильтян-влак филистим-шамыч деч куржаш тӱҥалыныт, шукышт Гелвуй курыкеш вуйыштым пыштеныт. | 1Филистимляне же воевали с Израильтянами, и побежали мужи Израильские от Филистимлян и пали пораженные на горе Гелвуе. |
| 2 Филистим-влак Саулым да тудын эргыже-шамычым поктен шуыныт да Ионафаным, Авинадавым, Малхисуам – Саул эрге-влакым – пуштыныт. | 2И догнали Филистимляне Саула и сыновей его, и убили Филистимляне Ионафана, и Аминадава, и Малхисуа, сыновей Саула. |
| 3 Саул дене кредалмаш талышнен. Пикшызе-влак ӱмбакыже лӱйкаленыт да тудым чот сусыртеныт. | 3И битва против Саула сделалась жестокая, и стрелки из луков поражали его, и он очень изранен был стрелками. |
| 4 Саул шке саргурал нумалшыжлан каласен: «Кердетым лодак гыч лук да мыйым шуралте, уке гын нине пӱчдымӧ-влак*а толыт, мыйым пуштыт да мыскылаш тӱҥалыт». Но саргурал нумалшыже чот лӱдын, тидым ышташ тоштын огыл. Тунам Саул шке кердыжым шогалтен да ӱмбакше шуҥгалтын. | 4И сказал Саул оруженосцу своему: обнажи твой меч и заколи меня им, чтобы не пришли эти необрезанные и не убили меня и не издевались надо мною. Но оруженосец не хотел, ибо очень боялся. Тогда Саул взял меч свой и пал на него. |
| 5 Саул колымым ужмеке, саргурал нумалшыжат кердыже ӱмбаке шуҥгалтын да озаж дене пырля колен. | 5Оруженосец его, увидев, что Саул умер, и сам пал на свой меч и умер с ним. |
| 6 Тыге Саул, тудын кум эргыже, саргурал нумалшыже да чыла еҥже ик кечынак коленыт. | 6Так умер в тот день Саул и три сына его, и оруженосец его, а также и все люди его вместе. |
| 7 Лапвер вес велне да Иордан шеҥгелне илыше израильтян-влак, израиль еҥ-шамычын чакнен куржмыштым да Саул ден тудын эргыж-влакын колымыштым ужын, шке олаштым коден куржыныт. А филистим-влак толыныт да тушан верланеныт. | 7Израильтяне, жившие на стороне долины и за Иорданом, видя, что люди Израилевы побежали и что умер Саул и сыновья его, оставили города свои и бежали, а Филистимляне пришли и засели в них. |
| 8 Эрлашыжым филистим-влак пуштмо еҥ-шамычым агаш толыныт да Гелвуй курыкеш колышо Саулым да тудын кум эргыжым муыныт. | 8На другой день Филистимляне пришли грабить убитых, и нашли Саула и трех сыновей его, павших на горе Гелвуйской. |
| 9 [Саулым комдык савырен пыштеныт да] вуйжым руалыныт, саргуралжым налыныт. Тушманым сеҥыме нерген шке кумалме пӧртлаштышт да калыклан увертараш манын, пӱтынь филистим мланде мучко уверзе-влакым колтеныт. | 9И отсекли ему голову, и сняли с него оружие и послали по всей земле Филистимской, чтобы возвестить о сем в капищах идолов своих и народу; |
| 10 Саулын саргуралжым Астарталан кумалме пӧртыш пыштеныт, а капшым Беф-Сан ола пырдыжеш пудален сакеныт. | 10и положили оружие его в капище Астарты, а тело его повесили на стене Беф-Сана. |
| 11 Галаадысе Иависыште илыше-влак филистим-шамычын Саул дене мом ыштымышт нерген колыныт. | 11И услышали жители Иависа Галаадского о том, как поступили Филистимляне с Саулом, |
| 12 Тунам тале сарзе-влак чылан корныш тарваненыт да йӱдвошт ошкылыныт. Беф-Саныш толын шумеке, нуно Саул ден эргыж-влакын капыштым пырдыж гыч налыныт, Иависыш конденыт да тушан йӱлалтеныт. | 12и поднялись все люди сильные, и шли всю ночь, и взяли тело Саула и тела сыновей его со стены Беф-Сана, и пришли в Иавис, и сожгли их там; |
| 13 Вара, лулегыштым налын, Иависеш тамариск пушеҥге йымалан тоеныт да шым кече пӱтым кученыт. | 13и взяли кости их, и погребли под дубом в Иависе, и постились семь дней. |
*а 31:4 Пӱчдымӧ-влак – необрезанные. Ончо: 1 Куг 17:10-11.
Глава 31