Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
1 юр | Глава 1 |
| 1 Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ. | 1Видение Исаии, сына Амосова, которое он видел о Иудее и Иерусалиме, во дни Озии, Иоафама, Ахаза, Езекии–царей Иудейских. |
| 2 Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд. | 2Слушайте, небеса, и внимай, земля, потому что Господь говорит: Я воспитал и возвысил сыновей, а они возмутились против Меня. |
| 3 Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ. | 3Вол знает владетеля своего, и осел–ясли господина своего; а Израиль не знает Меня, народ Мой не разумеет. |
| 4 Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь. | 4Увы, народ грешный, народ обремененный беззакониями, племя злодеев, сыны погибельные! Оставили Господа, презрели Святаго Израилева, –повернулись назад. |
| 5 Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ. | 5Во что вас бить еще, продолжающие свое упорство? Вся голова в язвах, и все сердце исчахло. |
| 6 Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн. | 6От подошвы ноги до темени головы нет у него здорового места: язвы, пятна, гноящиеся раны, неочищенные и необвязанные и не смягченные елеем. |
| 7 Тіянлысь мунытӧ куштӧма, каръяснытӧ сотӧма биӧн. Йӧз муысь локтысьяс тіян син водзын куштӧны тіянлысь пуктас-быдтаснытӧ. Гӧгӧр эндӧма, йӧз муысь локтысьяс ставсӧ бырӧдӧмаӧсь. | 7Земля ваша опустошена; города ваши сожжены огнем; поля ваши в ваших глазах съедают чужие; все опустело, как после разорения чужими. |
| 8 Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз. | 8И осталась дщерь Сиона, как шатер в винограднике, как шалаш в огороде, как осажденный город. |
| 9 Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс. | 9Если бы Господь Саваоф не оставил нам небольшого остатка, то мы были бы то же, что Содом, уподобились бы Гоморре. |
| 10 Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ! | 10Слушайте слово Господне, князья Содомские; внимай закону Бога нашего, народ Гоморрский! |
| 11 Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы. | 11К чему Мне множество жертв ваших? говорит Господь. Я пресыщен всесожжениями овнов и туком откормленного скота, и крови тельцов и агнцев и козлов не хочу. |
| 12 Коді тшӧктіс тіянлы локны Ме водзӧ, коді тшӧктіс талявны Менсьым крамбердса йӧрӧс? | 12Когда вы приходите являться пред лице Мое, кто требует от вас, чтобы вы топтали дворы Мои? |
| 13 Тырмас нин ваявны Меным ковтӧм висьяснытӧ, Меным зывӧк налӧн тшынӧдчан дукыс! Ме мустӧмта выль тӧлысь да шойччан лун пасйӧмнытӧ, мустӧмта Ме водзӧ гажӧдчыны чукӧртчӧмнытӧ. Ті вӧчанныд мыж, но чукӧртчанныд Ме водзӧ гажӧдчыны – тайӧс Ме мустӧмта. | 13Не носите больше даров тщетных: курение отвратительно для Меня; новомесячий и суббот, праздничных собраний не могу терпеть: беззаконие–и празднование! |
| 14 Выль тӧлысь да гажӧдчан лунъяс пасйӧмнытӧ Ме мустӧмта. Найӧ сьӧктӧдӧны Менӧ, Ме ёна мудзи наысь. | 14Новомесячия ваши и праздники ваши ненавидит душа Моя: они бремя для Меня; Мне тяжело нести их. |
| 15 Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь. | 15И когда вы простираете руки ваши, Я закрываю от вас очи Мои; и когда вы умножаете моления ваши, Я не слышу: ваши руки полны крови. |
| 16 Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ, | 16Омойтесь, очиститесь; удалите злые деяния ваши от очей Моих; перестаньте делать зло; |
| 17 велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор. | 17научитесь делать добро, ищите правды, спасайте угнетенного, защищайте сироту, вступайтесь за вдову. |
| 18 Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь. | 18Тогда придите–и рассудим, говорит Господь. Если будут грехи ваши, как багряное, –как снег убелю; если будут красны, как пурпур, –как волну убелю. |
| 19 Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн. | 19Если захотите и послушаетесь, то будете вкушать блага земли; |
| 20 А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь. | 20если же отречетесь и будете упорствовать, то меч пожрет вас: ибо уста Господни говорят. |
| 21 Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс. | 21Как сделалась блудницею верная столица, исполненная правосудия! Правда обитала в ней, а теперь–убийцы. |
| 22 Тэнад эзысьыд лои шыбласӧн, тэнсьыд винатӧ сорлалӧма ваӧн. | 22Серебро твое стало изгарью, вино твое испорчено водою; |
| 23 Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны. | 23князья твои–законопреступники и сообщники воров; все они любят подарки и гоняются за мздою; не защищают сироты, и дело вдовы не доходит до них. |
| 24 Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен. | 24Посему говорит Господь, Господь Саваоф, Сильный Израилев: о, удовлетворю Я Себя над противниками Моими и отмщу врагам Моим! |
| 25 Ассьым киӧс Ме лэпта тэ вылӧ, сывда-весала тэнӧ, торйӧда тэысь став сорассӧ. | 25И обращу на тебя руку Мою и, как в щелочи, очищу с тебя примесь, и отделю от тебя все свинцовое; |
| 26 Ме пукта тэныд воддза кодь ёрдысьясӧс, сувтӧда воддза кодь туйдӧдысьясӧс. Сэки шуасны тэнӧ веськыда олысьяслӧн карӧн, эскана войтырлӧн юркарӧн. | 26и опять буду поставлять тебе судей, как прежде, и советников, как вначале; тогда будут говорить о тебе: `город правды, столица верная'. |
| 27 Сион мездмас веськыда вӧчӧмнас, мыжысь бергӧдчӧм войтыр – веськыда олӧмнас. | 27Сион спасется правосудием, и обратившиеся сыны его–правдою; |
| 28 Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм. | 28всем же отступникам и грешникам–погибель, и оставившие Господа истребятся. |
| 29 Муса пуясныд вӧсна тіянлы яндзим лоӧ, аслыныд бӧрйӧм расъясныд вӧсна тіянлы юръяндзим лоӧ. | 29Они будут постыжены за дубравы, которые столь вожделенны для вас, и посрамлены за сады, которые вы избрали себе; |
| 30 Ӧд ті асьныд лоанныд кортӧм пу кодьӧсь, косьмӧм рас кодьӧсь. | 30ибо вы будете, как дуб, которого лист опал, и как сад, в котором нет воды. |
| 31 Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны. | 31И сильный будет отрепьем, и дело его–искрою; и будут гореть вместе, –и никто не потушит. |
Глава 1