Выбрать язык
Книги Ветхого Завета
Книги Нового Завета
без русского текстаМЕДМИЧА СЬЫЛАН | КНИГА ПЕСНИ ПЕСНИЙ СОЛОМОНА |
8 юр | Глава 8 |
| 1 (Ныв:) – Тэ кӧ эськӧ вӧлін менам вокӧн, кодӧс мамӧй нёньӧдліс! Сэки эськӧ ывлаын паныдасигӧн ме окалі тэнӧ, и менӧ некод эз мыжды. | 1О, если бы ты был мне брат, сосавший груди матери моей! тогда я, встретив тебя на улице, целовала бы тебя, и меня не осуждали бы. |
| 2 Сэки эськӧ босьті тэнӧ аскӧд, вайӧді тэнӧ аслам мам керкаӧ. Тэ эськӧ велӧдін менӧ, а ме юктӧді тэнӧ чӧскыд винаӧн, гранат вотӧса ваӧн. | 2Повела бы я тебя, привела бы тебя в дом матери моей. Ты учил бы меня, а я поила бы тебя ароматным вином, соком гранатовых яблоков моих. |
| 3 Сылӧн шуйга киыс менам юр улын, веськыд кинас сійӧ кутлӧ менӧ. | 3Левая рука его у меня под головою, а правая обнимает меня. |
| 4 Ерусалимса нывъяс, кыв сетӧй, мый онӧ садьмӧдӧй муслунсӧ кадысь водз. (Мукӧдъяс:) | 4Заклинаю вас, дщери Иерусалимские, –не будите и не тревожьте возлюбленной, доколе ей угодно. |
| 5 – Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ. | 5Кто это восходит от пустыни, опираясь на своего возлюбленного? Под яблоней разбудила я тебя: там родила тебя мать твоя, там родила тебя родительница твоя. |
| 6 Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь. | 6Положи меня, как печать, на сердце твое, как перстень, на руку твою: ибо крепка, как смерть, любовь; люта, как преисподняя, ревность; стрелы ее–стрелы огненные; она пламень весьма сильный. |
| 7 Ыджыд ва оз вермы кусӧдны муслунсӧ, юяс оз вермыны пӧдтыны сійӧс. Мортыс кӧ сетас став ассьыс озырлунсӧ, мед ньӧбны муслунсӧ, сійӧс асьсӧ мустӧмтасны. (Вокъяс:) | 7Большие воды не могут потушить любви, и реки не зальют ее. Если бы кто давал все богатство дома своего за любовь, то он был бы отвергнут с презреньем. |
| 8 – Миян чойным ичӧт на, сылӧн морӧсыс абу на гӧрддзасьӧма. Мый миянлы вӧчны чойнымкӧд, кор локтасны сійӧс коравны? | 8Есть у нас сестра, которая еще мала, и сосцов нет у нее; что нам будет делать с сестрою нашею, когда будут свататься за нее? |
| 9 Сійӧ кӧ вӧлі карса стенмӧн, ми эськӧ мичмӧдім сійӧс эзысьӧн. Сійӧ кӧ вӧлі ӧдзӧсӧн, ми эськӧ эжим сійӧс сус пуӧн. (Ныв:) | 9Если бы она была стена, то мы построили бы на ней палаты из серебра; если бы она была дверь, то мы обложили бы ее кедровыми досками. |
| 10 – Ме – карса стен, менам морӧсӧй быттьӧ сюръяяс, мусукӧйлы ме кисьмӧм-воӧм ань. (Зон:) | 10Я–стена, и сосцы у меня, как башни; потому я буду в глазах его, как достигшая полноты. |
| 11 Ваал-Гамонын Соломонлӧн вӧлі виноград йӧр. Йӧрсӧ сійӧ сетіс кӧртымӧ виноград быдтысьяслы, вотӧсысь быдӧн сетіс сылы сюрс эзысь. | 11Виноградник был у Соломона в Ваал-Гамоне; он отдал этот виноградник сторожам; каждый должен был доставлять за плоды его тысячу сребренников. |
| 12 А менам виноград йӧрӧй аслам. Сюрс эзысьыс мед лоӧ тэныд, Соломон, а кыксё эзысьыс – виноград быдтысьяслы. | 12А мой виноградник у меня при себе. Тысяча пусть тебе, Соломон, а двести–стерегущим плоды его. |
| 13 Сад йӧрын олысь дзоридзӧй, тэнсьыд гӧлӧс шытӧ кывзӧны ёртъясӧй, лэдз меным тшӧтш кывны тэнӧ. (Ныв:) | 13Жительница садов! товарищи внимают голосу твоему, дай и мне послушать его. |
| 14 – Тэрмась, мусукӧй, котӧрт газель моз, котӧрт том кӧр моз чӧскыда ӧвтысь керӧсъяс вывті. | 14Беги, возлюбленный мой; будь подобен серне или молодому оленю на горах бальзамических! |
Глава 8