Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
2 юр | Глава 2 |
| 1 Амослӧн Исай пилы вӧлі Иуда да Ерусалим йылысь восьтӧм. | 1Слово, которое было в видении к Исаии, сыну Амосову, о Иудее и Иерусалиме. |
| 2 Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс. | 2И будет в последние дни, гора дома Господня будет поставлена во главу гор и возвысится над холмами, и потекут к ней все народы. |
| 3 Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс. | 3И пойдут многие народы и скажут: придите, и взойдем на гору Господню, в дом Бога Иаковлева, и научит Он нас Своим путям и будем ходить по стезям Его; ибо от Сиона выйдет закон, и слово Господне–из Иерусалима. |
| 4 Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны. | 4И будет Он судить народы, и обличит многие племена; и перекуют мечи свои на орала, и копья свои–на серпы: не поднимет народ на народ меча, и не будут более учиться воевать. |
| 5 Яковсянь чужысьяс, локтӧй, кутам овны Господьлӧн югыдас! | 5О, дом Иакова! Придите, и будем ходить во свете Господнем. |
| 6 Господьӧй, Тэ эновтін Ассьыд войтыртӧ, колин Яковсянь чужысьясӧс. Ӧд найӧ унаторйӧ велӧдчисны асыввыв олысьяссянь, филистимсаяс моз найӧ кимӧститчӧны, волысьӧны локтысь йӧзкӧд. | 6Но Ты отринул народ Твой, дом Иакова, потому что они многое переняли от востока: и чародеи у них, как у Филистимлян, и с сынами чужих они в общении. |
| 7 Тэнад войтырлӧн муыс озыр эзысьӧн да зарниӧн, озырлуныс помтӧм-дортӧм. Налӧн эм уна вӧв, тарантасъяслӧн лыдыс лыдтӧм-тшӧттӧм. | 7И наполнилась земля его серебром и золотом, и нет числа сокровищам его; и наполнилась земля его конями, и нет числа колесницам его; |
| 8 Налӧн муыс тырӧма идолъясӧн, найӧ копрасьӧны асланыс киӧн вӧчӧмторъяслы. | 8и наполнилась земля его идолами: они поклоняются делу рук своих, тому, что сделали персты их. |
| 9 Йӧзыс нюкыртчисны, лэдзисны юрнысӧ. Тэ он прӧстит найӧс. | 9И преклонился человек, и унизился муж, –и Ты не простишь их. |
| 10 Пышйӧй изкыртаӧ, дзебсьӧй му пытшкас ӧд тіянӧс полӧм топӧдас Господьлӧн вынысь, Сылӧн дзирдлунысь тіянӧс полӧм босьтас. | 10Иди в скалу и сокройся в землю от страха Господа и от славы величия Его. |
| 11 Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын. | 11Поникнут гордые взгляды человека, и высокое людское унизится; и один Господь будет высок в тот день. |
| 12 Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма. | 12Ибо грядет день Господа Саваофа на все гордое и высокомерное и на все превознесенное, –и оно будет унижено, – |
| 13 Сійӧ кутас мыждыны васанса тупуяс, ливанса сус пуяс, джуджыд да вылӧ кыпӧдчысь пуяс, | 13и на все кедры Ливанские, высокие и превозносящиеся, и на все дубы Васанские, |
| 14 джуджыд керӧсъяс да вылӧ кыпӧдчысь мылькъяс. | 14и на все высокие горы, и на все возвышающиеся холмы, |
| 15 Кутас мыждыны джуджыд башняяс да зумыда сулалысь карса стенъяс, | 15и на всякую высокую башню, и на всякую крепкую стену, |
| 16 фарсисса корабльяс да став налысь дона эмбурсӧ. | 16и на все корабли Фарсисские, и на все вожделенные украшения их. |
| 17 Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын, | 17И падет величие человеческое, и высокое людское унизится; и один Господь будет высок в тот день, |
| 18 идолъяс дзикӧдз бырасны. | 18и идолы совсем исчезнут. |
| 19 Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас! | 19И войдут люди в расселины скал и в пропасти земли от страха Господа и от славы величия Его, когда Он восстанет сокрушить землю. |
| 20 Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы. | 20В тот день человек бросит кротам и летучим мышам серебряных своих идолов и золотых своих идолов, которых сделал себе для поклонения им, |
| 21 Сійӧ пышъяс изкыртаӧ, дзебсяс керӧс потасӧ, ӧд сійӧс полӧм топӧдас Господьлӧн вынысь, Господьлӧн дзирдлунысь сійӧс полӧм босьтас. Господь кыпӧдчас, и йӧзсӧ полӧм босьтас! | 21чтобы войти в ущелья скал и в расселины гор от страха Господа и от славы величия Его, когда Он восстанет сокрушить землю. |
| 22 Дугдӧй лача кутны морт вылӧ, кодлӧн олӧмыс лолыштӧм кодь. Мый вермас вӧчны сійӧ? | 22Перестаньте вы надеяться на человека, которого дыхание в ноздрях его, ибо что он значит? |
Глава 2