Выбрать язык
Книги Ветхого Завета
Книги Нового Завета
без русского текстаПСАЛТЫР | ПСАЛТИРЬ |
97 Псалом | Глава 97 |
| Псалом | |
| 1 [Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ. | 1Воспойте Господу новую песнь, ибо Он сотворил чудеса. Его десница и святая мышца Его доставили Ему победу. |
| 2 Господь петкӧдліс Ассьыс мездӧмсӧ, восьтіс войтыръяслы Ассьыс веськыдлунсӧ. | 2Явил Господь спасение Свое, открыл пред очами народов правду Свою. |
| 3 Сійӧ эз вунӧд [Яковсянь чужысьяс дінӧ] Ассьыс буралӧмсӧ, петкӧдліс Израиль войтырлы Ассьыс эсканлунсӧ. Став му пасьтала олысьяс аддзисны, мый миян Енным мездіс миянӧс. | 3Вспомнил Он милость Свою и верность Свою к дому Израилеву. Все концы земли увидели спасение Бога нашего. |
| 4 Му вылын олысьяс, гораа ошкӧй Господьӧс, сьылӧй-гажӧдчӧй да нимкодясьӧй! | 4Восклицайте Господу, вся земля; торжествуйте, веселитесь и пойте; |
| 5 Сьылӧй Господьлы да ворсӧй гуслиӧн, ворсӧй гуслиӧн да сьылӧй. | 5пойте Господу с гуслями, с гуслями и с гласом псалмопения; |
| 6 Труба да буксан шы улӧ ошкӧй Господьӧс, миянлысь Ӧксыӧс. | 6при звуке труб и рога торжествуйте пред Царем Господом. |
| 7 Мед шызяс саридзыс да ставыс, мый сэні эм, мед шызяс муыс да став сэні олысьыс. | 7Да шумит море и что наполняет его, вселенная и живущие в ней; |
| 8 Мед сёльӧдчасны юяс, накӧд ӧтвыв мед нимкодясясны керӧсъяс | 8да рукоплещут реки, да ликуют вместе горы |
| 9 Господь водзын, ӧд Сійӧ локтӧ мыждыны мусӧ. Сійӧ кутас веськыда мыждыны муюгыдсӧ, кутас мыждыны войтыръясӧс Аслас веськыдлуныс серти. | 9пред лицем Господа, ибо Он идет судить землю. Он будет судить вселенную праведно и народы–верно. |
Глава 97