Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
14 юр | Глава 14 |
| 1 Авий куліс да вуджис батьясыс дінӧ. Сійӧс дзебисны Давид карӧ. Авий бӧрти ӧксыӧ пуксис сылӧн Аса пиыс. Сылӧн юралігӧн дас во чӧж Иуда муын эз вӧв некутшӧм тыш. | 1И почил Авия с отцами своими, и похоронили его в городе Давидовом. И воцарился Аса, сын его, вместо него. Во дни его покоилась земля десять лет. |
| 2 Аса вӧчис аслас Господь Ен водзын бурсӧ да шогманасӧ. | 2И делал Аса доброе и угодное в очах Господа Бога своего: |
| 3 Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс. | 3и отверг он жертвенники богов чужих и высоты, и разбил статуи, и вырубил посвященные дерева; |
| 4 Сійӧ тшӧктіс Иуда войтырлы корсьны Господьӧс, асланыс батьяслысь Енсӧ, да вӧчны Сылӧн Индӧдыс да тшӧктӧмъясыс серти. | 4и повелел Иудеям взыскать Господа Бога отцов своих, и исполнять закон Его и заповеди; |
| 5 Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня. | 5и отменил он во всех городах Иудиных высоты и статуи солнца. И спокойно было при нем царство. |
| 6 Сійӧ воясӧ, кор Господь сетіс шойччӧг Иуда мулы, и сэні эз вӧвны тышъяс, Аса лэптіс изкаръяс. | 6И построил он укрепленные города в Иудее, ибо спокойна была земля, и не было у него войны в те годы, так как Господь дал покой ему. |
| 7 Сійӧ шуис Иуда войтырлы: «Тайӧ каръяс гӧгӧрыс сувтӧдамӧй стенъяс да башняяс, вӧчамӧй дзиръяяс да тасъяс. Муыс миян на, ӧд ми корсим Господьӧс, ассьыным Енмӧс. Ми корсим Сійӧс, и быд боксянь Сійӧ сетіс миянлы лӧнь олӧм». Иуда войтыр лэптісны каръяс, и налӧн ставыс артмис. | 7И сказал он Иудеям: построим города сии и обнесем их стенами с башнями, с воротами и запорами. Земля еще наша, потому что мы взыскали Господа Бога нашего: мы взыскали Его, --и Он дал нам покой со всех сторон. И стали строить, и имели успех. |
| 8 Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс. | 8И было у Асы военной силы: вооруженных щитом и копьем из колена Иудина триста тысяч, и из колена Вениаминова вооруженных щитом и стрелявших из лука двести восемьдесят тысяч, людей храбрых. |
| 9 Налы паныд тышӧ петіс Эфиопияысь Зерах. Сылӧн вӧлі миллион тышкаморт да куимсё тарантас. Кор сійӧ матыстчис Мареша кар дорӧ, | 9И вышел на них Зарай Ефиоплянин с войском в тысячу тысяч и с тремя стами колесниц и дошел до Мареши. |
| 10 сылы паныд тышӧ петіс Аса. Асалӧн тышкайӧзыс дасьтысисны тыш кежлӧ Цефата ковтысын, Мареша кар дорын. | 10И выступил Аса против него, и построились к сражению на долине Цефата у Мареши. |
| 11 Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ». | 11И воззвал Аса к Господу Богу своему, и сказал: Господи! не в Твоей ли силе помочь сильному или бессильному? помоги же нам, Господи Боже наш: ибо мы на Тебя уповаем и во имя Твое вышли мы против множества сего. Господи! Ты Бог наш: да не превозможет Тебя человек. |
| 12 Аса да иудаса тышкайӧз водзын Господь пасьвартіс эфиопияса тышкайӧзӧс, и найӧ пышйисны. | 12И поразил Господь Ефиоплян пред лицем Асы и пред лицем Иуды, и побежали Ефиопляне. |
| 13 Аслас тышкайӧзкӧд Аса вӧтчис на бӧрся Герар карӧдз. Эфиопияысь локтӧм йӧзыс кулісны, эз коль на пӧвстысь весиг ловъя морт, ӧд Господь Аслас тышкайӧзкӧд пасьвартіс найӧс. Иудаса тышкайӧзлы вичмис тышын зэв уна шедӧдӧмтор. | 13И преследовал их Аса и народ, бывший с ним, до Герара, и пали Ефиопляне, так что у них никого не осталось в живых, потому что они поражены были пред Господом и пред воинством Его. И набрали добычи великое множество. |
| 14 Найӧ пасьвартісны Герар гӧгӧрысь став карсӧ, ӧд сэні олысьяс пӧвстӧ Господь ыстіс ыджыд полӧм. Иудаса тышкайӧз куштісны став тайӧ каръяссӧ да нуисны сэтысь зэв уна эмбур. | 14И разрушили все города вокруг Герара, потому что напал на них ужас от Господа; и разграбили все города и вынесли из них весьма много добычи. |
| 15 Нӧшта найӧ пазӧдісны ыж-мӧс видзысьяслысь чомъяссӧ да нуӧдісны аскӧдныс верблюдъясӧс да уна ыж, сэсся бӧр бергӧдчисны Ерусалимӧ. | 15Также и пастушеские шалаши разорили и угнали множество стад мелкого скота и верблюдов и возвратились в Иерусалим. |
Глава 14