Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
13 юр | Глава 13 |
| 1 Израильса Еровам ӧксылӧн дас кӧкъямысӧд веськӧдлан воӧ Иуда муын ӧксыӧ пуксис Авий. | 1В восемнадцатый год царствования Иеровоама воцарился Авия над Иудою. |
| 2 Куим во чӧж сійӧ юраліс Ерусалимын. Авийлӧн мамыс вӧлі Микая, Гиваысь Уриэллӧн нылыс. Авий да Еровам костын муніс тыш. | 2Три года он царствовал в Иерусалиме; имя матери его Михаия, дочь Уриилова, из Гивы. И была война у Авии с Иеровоамом. |
| 3 Тышсӧ паніс Авий. Сылӧн вӧлі нёльсё сюрс медбур тышкаморт. Еровам петіс сылы паныд кӧкъямыссё сюрс медбур тышкаморткӧд. | 3И вывел Авия на войну войско, состоявшее из людей храбрых, из четырехсот тысяч человек отборных; а Иеровоам выступил против него на войну с восемью стами тысяч человек, также отборных, храбрых. |
| 4 Ефрем керӧсвыв муын Авий кайис Цемараим керӧс йылӧ да шыасис сэсянь: «Кывзӧй менӧ, Еровам да став Израиль войтыр! | 4И стал Авия на вершине горы Цемараимской, одной из гор Ефремовых, и говорил: послушайте меня, Иеровоам и все Израильтяне! |
| 5 Ті ӧд тӧданныд, мый Господь, Израильлӧн Ен, пыр кежлӧ сетіс Израильын ӧксыалӧмсӧ Давидлы да сысянь чужысьяслы да пыр кежлӧ кӧрталіс накӧд вежсьывлытӧм йитӧд. | 5Не знаете ли вы, что Господь Бог Израилев дал царство Давиду над Израилем навек, ему и сыновьям его, по завету соли? |
| 6 Но Неватлӧн Еровам пиыс, коді кесъяліс Давидлӧн Соломон пилы, кыпӧдчис аслас ыджыдлы паныд. | 6Но восстал Иеровоам, сын Наватов, раб Соломона, сына Давидова, и возмутился против господина своего. |
| 7 Еровам дінӧ чукӧртчисны мывкыдтӧм да шогмытӧм йӧз да кыпӧдчисны Соломонлӧн Ровоам пилы паныд. Ровоам вӧлі том на, сійӧ унатор эз куж да эз вермы водзсасьны налы паныд. | 7И собрались вокруг него люди пустые, люди развращенные, и укрепились против Ровоама, сына Соломонова; Ровоам же был молод и слаб сердцем и не устоял против них. |
| 8 Ӧні ті мӧвпыштінныд паныд кыпӧдчыны Господьлӧн ӧксыалӧмлы, мый сетӧма Давидсянь чужысьяслы. Ті уна лыдаӧсь, тіян эмӧсь зарни ӧшъяс, кодъясӧс Еровам вӧчис тіянлы ен пыдди. | 8И ныне вы думаете устоять против царства Господня в руке сынов Давидовых, потому что вас великое множество, и у вас золотые тельцы, которых Иеровоам сделал вам богами. |
| 9 Господьлысь попъясӧс – Ааронсянь чужысьясӧс – да левитъясӧс ті вӧтлінныд. Мукӧд войтыръяс моз ті асьныд пуктінныд аслыныд попъясӧс. Быдӧн, коді локтӧ асьсӧ вежӧдӧм могысь да вайӧдӧ ӧшкӧс да сизим межӧс, сійӧ и лоӧ ылӧг енъяслӧн попӧн. | 9Не вы ли изгнали священников Господних, сынов Аарона, и левитов, и поставили у себя священников, какие у народов других земель? Всякий, кто приходит для посвящения своего с тельцом и с семью овнами, делается у вас священником лжебогов. |
| 10 Но миян Енным – Господь, ми эгӧ эновтлӧй Сійӧс. Господьлы кесъялӧны Ааронсянь чужысь попъяс, и левитъяс тшӧтш вӧчӧны ассьыныс уджнысӧ. | 10А у нас--Господь Бог наш; мы не оставляли Его, и Господу служат священники, сыны Аароновы, и левиты при своем деле. |
| 11 Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс. | 11И сожигают они Господу всесожжения каждое утро и каждый вечер, и благовонное курение, и полагают рядами хлебы на столе чистом, и зажигают золотой светильник и лампады его, чтобы горели каждый вечер, потому что мы соблюдаем установление Господа Бога нашего, а вы оставили Его. |
| 12 Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс». | 12И вот, у нас во главе Бог, и священники Его, и трубы громогласные, чтобы греметь против вас. Сыны Израилевы! не воюйте с Господом Богом отцов ваших, ибо не получите успеха. |
| 13 Аслас тышкайӧз пӧвстысь Еровам мӧдӧдіс кыйӧдчысьясӧс сэтшӧм местаӧ, кысянь позьӧ мышсяньыс уськӧдчыны иудаса тышкайӧз вылӧ, а ачыс мукӧд тышкайӧзыскӧд сувтіс иудаса тышкайӧзлы воча. | 13Между тем Иеровоам послал отряд в засаду с тыла им, так что сам он был впереди Иудеев, а засада позади их. |
| 14 Иудаса тышкайӧз бергӧдчисны да аддзисны, мый на вылӧ уськӧдчӧны водзысяньыс и бӧрсяньыс. Сэки найӧ шыасисны Господь дінӧ, а попъяс кутісны тутсыны трубаясӧ. | 14И оглянулись Иудеи, и вот, им битва спереди и сзади; и возопили они к Господу, а священники затрубили трубами. |
| 15 Иудаса тышкайӧз гораа горӧдісны. Налӧн горӧдӧм дырйи Енмыс пасьвартіс Еровамӧс да израильса тышкайӧзӧс Авий ӧксылӧн да Иуда войтырлӧн син водзын. | 15И воскликнули Иудеи. И когда воскликнули Иудеи, Бог поразил Иеровоама и всех Израильтян пред лицем Авии и Иуды. |
| 16 Израильса тышкайӧз пышйисны иудаса тышкайӧзысь, но Енмыс сетіс найӧс иудаса тышкайӧзлӧн киӧ. | 16И побежали сыны Израилевы от Иудеев, и предал их Бог в руки им. |
| 17 Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс. | 17И произвели у них Авия и народ его поражение сильное; и пало убитых у Израиля пятьсот тысяч человек отборных. |
| 18 Тадзи вӧлі раммӧдӧма Израиль войтырӧс. А Иуда войтыр вӧлі вына, ӧд найӧ лача кутісны батьясныслӧн Господь Ен вылӧ. | 18И смирились тогда сыны Израилевы, и были сильны сыны Иудины, потому что уповали на Господа Бога отцов своих. |
| 19 Авий вӧтчис Еровам бӧрся да босьтіс сылысь Вефиль, Ешана да Ефрон каръяс да нагӧгӧрса сиктъяс. | 19И преследовал Авия Иеровоама и взял у него города: Вефиль и зависящие от него города, и Иешану и зависящие от нее города, и Ефрон и зависящие от него города. |
| 20 Авий веськӧдлан кадӧ Еровам эз нин вермы бӧр бергӧдны аслыс нималӧмсӧ. Господь пасьвартіс Еровамӧс, и сійӧ куліс. | 20И не входил уже в силу Иеровоам во дни Авии. И поразил его Господь, и он умер. |
| 21 А Авийлӧн юралӧмыс зумыдмис. Сылӧн вӧлі дас нёль гӧтыр, кызь кык пи да дас квайт ныв. | 21Авия же усилился; и взял себе четырнадцать жен и родил двадцать два сына и шестнадцать дочерей. |
| 22 Авийлысь олӧмсӧ, сылысь уджъяссӧ да кывъяссӧ гижӧма Иддо пророклӧн гижӧдын. | 22Прочие деяния Авии и его поступки и слова описаны в сказании пророка Адды. |
Глава 13