Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
15 юр | Глава 15 |
| 1 Енлӧн Лолыс лэччис Одедлӧн Азарий пи вылӧ, | 1Тогда на Азарию, сына Одедова, сошел Дух Божий, |
| 2 и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс. | 2и вышел он навстречу Асе и сказал ему: послушайте меня, Аса и весь Иуда и Вениамин: Господь с вами, когда вы с Ним; и если будете искать Его, Он будет найден вами; если же оставите Его, Он оставит вас. |
| 3 Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс. | 3Многие дни Израиль будет без Бога истинного, и без священника учащего, и без закона; |
| 4 Но сьӧкыдалігӧн Израиль войтыр бергӧдчис аслас Господь Ен дінӧ, найӧ корсисны Сійӧс, и Енмыс воссис налы. | 4но когда он обратится в тесноте своей к Господу Богу Израилеву и взыщет Его, Он даст им найти Себя. |
| 5 Сійӧ кадас ветлысь-мунысьяс полісны, ӧд сэтчӧс муясын олысьяс вӧлі шызьӧмаӧсь. | 5В те времена не будет мира ни выходящему, ни входящему, ибо великие волнения будут у всех жителей земель; |
| 6 Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны. | 6народ будет сражаться с народом, и город с городом, потому что Бог приведет их в смятение всякими бедствиями. |
| 7 Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон». | 7Но вы укрепитесь, и пусть не ослабевают руки ваши, потому что есть возмездие за дела ваши. |
| 8 Кор Аса кыліс Азарий пророклысь тайӧ кывъяссӧ да пророкалӧмсӧ, сійӧ збоймис да бырӧдіс став зывӧк идолсӧ Иуда да Венямин муясысь, тшӧтш Ефрем керӧсвывса каръясысь, кодъясӧс сійӧ босьтіс тышын. Сійӧ дзоньталіс Господьлысь висьпуктанінсӧ, коді сулаліс Господьлӧн крам посводзлы воча. | 8Когда услышал Аса слова сии и пророчество, сына Одеда пророка, то ободрился и изверг мерзости языческие из всей земли Иудиной и Вениаминовой и из городов, которые он взял на горе Ефремовой, и обновил жертвенник Господень, который пред притвором Господним. |
| 9 Аса чукӧртіс Иуда да Венямин чужанкотыръяс, тшӧтш на пӧвстӧ Ефрем, Манассей да Симеон чужанкотыръясысь овмӧдчӧм йӧзӧс. Ӧд Израиль войтыр пӧвстысь унаӧн сувтісны Аса дор, кор найӧ аддзисны, мый сыкӧд Господь, сылӧн Енмыс. | 9И собрал всего Иуду и Вениамина и живущих с ними переселенцев от Ефрема и Манассии и Симеона; ибо многие от Израиля перешли к нему, когда увидели, что Господь, Бог его, с ним. |
| 10 Найӧ чукӧртчисны Ерусалимӧ Асалӧн дас витӧд ӧксыалан воӧ коймӧд тӧлысьнас. | 10И собрались в Иерусалим в третий месяц, в пятнадцатый год царствования Асы; |
| 11 Сійӧ лунӧ Господьлы вись пыдди найӧ вайисны тышын шедӧдӧмаысь сизимсё ӧшкӧс да сизим сюрс ыжӧс. | 11и принесли в день тот жертву Господу из добычи, которую привели, из крупного скота семьсот и из мелкого семь тысяч; |
| 12 Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс | 12и вступили в завет, чтобы взыскать Господа Бога отцов своих от всего сердца своего и от всей души своей; |
| 13 да вины быдӧнӧс, коді оз кут корсьны Господьӧс, Израильлысь Енсӧ, том морт-ӧ сійӧ либӧ пӧрысь, айлов-ӧ сійӧ либӧ ань. | 13а всякий, кто не станет искать Господа Бога Израилева, должен умереть, малый ли он или большой, мужчина ли или женщина. |
| 14 Гораа нимкодясьӧмӧн найӧ кыв сетісны Господьлы труба да буксан шы улӧ. | 14И клялись Господу громогласно и с восклицанием и при звуке труб и рогов. |
| 15 Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм. | 15И радовались все Иудеи сей клятве, потому что от всего сердца своего клялись и со всем усердием взыскали Его, и Он дал им найти Себя. И дал им Господь покой со всех сторон. |
| 16 Аслас Маака пӧчыслы Аса ӧксы эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ торпыригӧдз да сотіс сійӧс Кедрон ковтысын. | 16И Мааху, мать свою, царь Аса лишил царского достоинства за то, что она сделала истукан для дубравы. И ниспроверг Аса истукан ее, и изрубил в куски, и сжег на долине Кедрона. |
| 17 Вись ваян мылькъяссӧ эз бырӧдны Израильысь, но та вылӧ видзӧдтӧг Асалӧн сьӧлӧмыс вӧлі йитчӧма Господькӧд став олӧм чӧжыс. | 17Хотя высоты не были отменены у Израиля, но сердце Асы было вполне предано Господу во все дни его. |
| 18 Сійӧ вайис Енлӧн крамӧ ассьыс да батьыслысь вежӧдӧм эзысь-зарнисӧ да дозмук-кӧлуйсӧ. | 18И внес он посвященное отцом его и свое посвящение в дом Божий, серебро и золото и сосуды. |
| 19 Асалӧн комын витӧд ӧксыалан воӧдз Иуда муын эз вӧвны тышъяс. | 19И не было войны до тридцать пятого года царствования Асы. |
Глава 15