Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
12 юр | Глава 12 |
| 1 Кор Ровоамлӧн юралӧмыс зумыдмис, и сійӧ лои вына юралысьӧн, сэки сійӧ да став Израиль войтырыс эновтісны Господьлысь Индӧдсӧ. | 1Когда царство Ровоама утвердилось, и он сделался силен, тогда он оставил закон Господень, и весь Израиль с ним. |
| 2 Найӧ эновтісны Господьӧс, та вӧсна Ровоам ӧксылӧн витӧд веськӧдлан воӧ египетса Шишак ӧксы аслас тышкайӧзкӧд уськӧдчис Ерусалим кар вылӧ. | 2На пятом году царствования Ровоама, Сусаким, царь Египетский, пошел на Иерусалим, --потому что они отступили от Господа, -- |
| 3 Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас. | 3с тысячью и двумя стами колесниц и шестьюдесятью тысячами всадников; и не было числа народу, который пришел с ним из Египта, Ливиянам, Сукхитам и Ефиоплянам; |
| 4 Найӧ босьтісны иудаса изкаръяс, сэсся матыстчисны Ерусалимлань. | 4и взял укрепленные города в Иудее и пришел к Иерусалиму. |
| 5 Шемай пророк локтіс Ровоам дінӧ да иудаса юралысьяс дінӧ, кодъяс Шишакысь пышйигӧн чукӧртчисны Ерусалимӧ. Шемай шуис налы: «Господь тадзи висьталӧ: ”Ті эновтінныд Менӧ, та вӧсна Ме тшӧтш эновта тіянӧс да сета тіянӧс Шишаклӧн киӧ”». | 5Тогда Самей пророк пришел к Ровоаму и князьям Иудеи, которые собрались в Иерусалим, спасаясь от Сусакима, и сказал им: так говорит Господь: вы оставили Меня, за то и Я оставляю вас в руки Сусакиму. |
| 6 Сэки иудаса юралысьяс да ӧксы раммӧдчисны да шуисны: «Господь веськыда вӧчӧ!» | 6И смирились князья Израилевы и царь и сказали: праведен Господь! |
| 7 Кор Господь аддзис налысь раммӧдчӧмсӧ, Шемайлы вӧлі Господьсянь кыв: «Найӧ раммӧдчисны, та вӧсна Ме ог бырӧд найӧс, регыд мезда найӧс. Шишак ки отсӧгӧн Менам скӧрлунӧй оз бырӧд Ерусалим кар. | 7Когда увидел Господь, что они смирились, тогда было слово Господне к Самею, и сказано: они смирились; не истреблю их и вскоре дам им избавление, и не прольется гнев Мой на Иерусалим рукою Сусакима; |
| 8 Но найӧ лоӧны сылӧн кесйӧгъясӧн, медым тӧдісны, мыйӧн торъялӧ Меным кесъялӧмыс мувывса ӧксыяслы кесъялӧмысь». | 8однакоже они будут слугами его, чтобы знали, каково служить Мне и служить царствам земным. |
| 9 Египетса Шишак ӧксы пырис Ерусалимӧ да босьтіс Господьлӧн крамысь да ӧксылӧн керкаысь став озырлунсӧ, босьтіс тшӧтш Соломонӧн вӧчӧдӧм зарни сайӧдъяссӧ. | 9И пришел Сусаким, царь Египетский, в Иерусалим и взял сокровища дома Господня и сокровища дома царского; всё взял он, взял и щиты золотые, которые сделал Соломон. |
| 10 На пыдди Ровоам ӧксы вӧчӧдіс ыргӧн сайӧдъяс да сетіс найӧс веськӧдлысьяслы, кодъяс видзӧдісны ӧксы керкаӧ пыранін видзысьяс бӧрся. | 10И сделал царь Ровоам, вместо их, щиты медные, и отдал их на руки начальникам телохранителей, охранявших вход дома царского. |
| 11 Кор ӧксы вӧлі мунӧ Господьлӧн крамӧ, ӧксыӧс видзысьяс босьтлісны аскӧдныс тайӧ сайӧдъяссӧ, а бӧрыннас бӧр пуктывлісны найӧс видзанінӧ. | 11Когда выходил царь в дом Господень, приходили телохранители и несли их, и потом опять относили их в палату телохранителей. |
| 12 Ровоам раммӧдчис, та вӧсна Господьлӧн скӧрлуныс вешйис сы вылысь, эз дзикӧдз бырӧд сійӧс. Ӧд Иуда муын мыйкӧ бурыс вӧлі на. | 12И когда он смирился, тогда отвратился от него гнев Господа и не погубил его до конца; притом и в Иудее было нечто доброе. |
| 13 Ровоам ӧксылӧн юралӧмыс зумыдмис Ерусалим карын. Ӧксыӧ пуксигас Ровоамлы вӧлі нелямын ӧти арӧс. Дас сизим во чӧж сійӧ юраліс Ерусалим карын. Израильса чужанкотыръяслӧн каръясысь Господь бӧрйис тайӧ карсӧ, медым сэні вӧлі Сылӧн нимыс. Ровоамлӧн мамыс вӧлі аммон войтырысь Наама. | 13И утвердился царь Ровоам в Иерусалиме и царствовал. Сорок один год было Ровоаму, когда он воцарился, и семнадцать лет царствовал в Иерусалиме, в городе, который из всех колен Израилевых избрал Господь, чтобы там пребывало имя Его. Имя матери его Наама, Аммонитянка. |
| 14 Ровоам вӧчис лёксӧ, ӧд сійӧ эз сьӧлӧмсяньыс корсь Господьӧс. | 14И делал он зло, потому что не расположил сердца своего к тому, чтобы взыскать Господа. |
| 15 Ровоам ӧксыалӧм дырйи лоӧмторъяс йылысь водзысяньыс и помӧдзыс гижӧма Шемай пророклӧн гижӧдъясӧ да Иддо нима тӧдысь-аддзысьлӧн чужанвуж небӧгӧ. Ровоам да Еровам костын пыр муніс тыш. | 15Деяния Ровоамовы, первые и последние, описаны в записях Самея пророка и Адды прозорливца при родословиях. И были войны у Ровоама с Иеровоамом во все дни. |
| 16 Сэсся Ровоам куліс да вуджис батьясыс дінӧ. Сійӧс дзебисны Давид карӧ. Ровоам бӧрти ӧксыӧ пуксис сылӧн Авий пиыс. | 16И почил Ровоам с отцами своими и погребен в городе Давидовом. И воцарился Авия, сын его, вместо него. |
Глава 12