Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН КОЙМÖД НЕБÖГ | ТРЕТЬЯ КНИГА ЦАРСТВ |
5 юр | Глава 5 |
| 1 Кор тирса Хирам ӧксы тӧдмаліс, мый Соломонӧс мавтыштӧмӧн пуктӧмаӧсь ӧксыӧ батьыс пыдди, мӧдӧдіс сы дінӧ ассьыс кесйӧгъяссӧ. Хирам Давидкӧд пыр вӧліны ёртъясӧн. | 1И послал Хирам, царь Тирский, слуг своих к Соломону, когда услышал, что его помазали в царя на место отца его; ибо Хирам был другом Давида во всю жизнь. |
| 2 Соломон сідзжӧ мӧдӧдіс Хирам дінӧ йӧзӧс, медым найӧ висьталасны сылы: | 2И послал также и Соломон к Хираму сказать: |
| 3 «Тэ ӧд тӧдан, мый орччӧн олысь войтыръяскӧд тышкасьӧм вӧсна менам Давид батьӧй эз вермы лэптыны Господьлы, аслас Енлы, крам. Давид тышкасис, кытчӧдз Господь эз песовт войтыръясӧс сылӧн кок улӧ. | 3ты знаешь, что Давид, отец мой, не мог построить дом имени Господа Бога своего по причине войн с окрестными народами, доколе Господь не покорил их под стопы ног его; |
| 4 Ӧні Господь, менам Енмӧй, сетіс меным быдласянь лӧньлун: паныд сувтысьяс абуӧсь, миян вылӧ некод оз усьлась. | 4ныне же Господь Бог мой даровал мне покой отовсюду: нет противника и нет более препон; |
| 5 Ӧні ме кӧсъя лэптыны аслам Господь Енлы крам. Ӧд менам Давид батьлы на Господь шуліс: ”Тэнад пиыд, кодӧс Ме пуксьӧда тэ пыдди юралан пуклӧсад, лэптас Меным керка”. | 5и вот, я намерен построить дом имени Господа Бога моего, как сказал Господь отцу моему Давиду, говоря: `сын твой, которого Я посажу вместо тебя на престоле твоем, он построит дом имени Моему'; |
| 6 Сідзкӧ, тшӧкты пӧрӧдны Ливанысь сус пуяс. Менам кесйӧгъяс тшӧтш кутасны уджавны тэнад кесйӧгъяскӧд. Ме мынтыся тэнад йӧзлы, мыйтӧм шуан. Тэ ӧд ачыд тӧдан, мый сидонса кодь бур пӧрӧдчысьясыс менам абуӧсь». | 6итак прикажи нарубить для меня кедров с Ливана; и вот, рабы мои будут вместе с твоими рабами, и я буду давать тебе плату за рабов твоих, какую ты назначишь; ибо ты знаешь, что у нас нет людей, которые умели бы рубить дерева так, как Сидоняне. |
| 7 Соломонлысь кывъяссӧ кылӧм бӧрын Хирамлы лои зэв нимкодь. Сійӧ шуис: «Ошкӧм Господьлы, коді сетіс Давидлы мывкыд пиӧс да пуктіс сійӧс юравны татшӧм уна лыда войтырӧн». | 7Когда услышал Хирам слова Соломона, очень обрадовался и сказал: благословен ныне Господь, Который дал Давиду сына мудрого для управления этим многочисленным народом! |
| 8 Хирам ыстіс Соломонлы воча кыв: «Ме кылі тэнсьыд корӧмтӧ. Мый кӧсъян, сійӧс и вӧча. Ме сета тэныд сус пу и кипарис пу. | 8И послал Хирам к Соломону сказать: я выслушал то, за чем ты посылал ко мне, и исполню все желание твое о деревах кедровых и деревах кипарисовых; |
| 9 Менам йӧз лэччӧдасны керъяссӧ ливанса керӧсъяс вылысь саридз дорӧ. Сэсся саридз кузя пурйӧн ме кылӧда найӧс сэтчӧ, кытчӧ шуан. Сэні ме тшӧкта разьны пуръяссӧ, а тэ сэсся ачыд сэтысь керъяссӧ босьтан. Но менам тшӧтш эм тэ дінӧ корӧм. Кора вайны менам керкаӧ сёян-юан». | 9рабы мои свезут их с Ливана к морю, и я плотами доставлю их морем к месту, которое ты назначишь мне, и там сложу их, и ты возьмешь; но и ты исполни мое желание, чтобы доставлять хлеб для моего дома. |
| 10 Хирам сетіс Соломонлы сус пу да кипарис пу, мыйтӧм сійӧ корис. | 10И давал Хирам Соломону дерева кедровые и дерева кипарисовые, вполне по его желанию. |
| 11 А Соломон тӧждысис Хирамлӧн керка вӧсна, могмӧдіс сэні олысьясӧс сёян-юанӧн. Быд во сійӧ мӧдӧдліс Хирамлы кызь сюрс мешӧк шобді да кызь бӧчка олив вый. | 11А Соломон давал Хираму двадцать тысяч коров пшеницы для продовольствия дома его и двадцать коров оливкового выбитого масла: столько давал Соломон Хираму каждый год. |
| 12 Господь сетіс Соломонлы мывкыдлун, кыдзи и кӧсйысис. Хирам да Соломон ёртасисны да кӧрталісны ӧта-мӧдныскӧд йитӧд. | 12Господь дал мудрость Соломону, как обещал ему. И был мир между Хирамом и Соломоном, и они заключили между собою союз. |
| 13 Соломон уджӧдіс Израиль войтырысь комын сюрс мортӧс, кодъяс уджалӧмнас мынтісны вот. | 13И обложил царь Соломон повинностью весь Израиль; повинность же состояла в тридцати тысячах человек. |
| 14 Быд тӧлысьӧ Соломон мӧдӧдліс Ливанӧ дас сюрс мортӧс вежласьӧмӧн. Ӧти тӧлысьсӧ найӧ уджалісны, а кык тӧлысьсӧ вӧліны гортаныс. Веськӧдліс наӧн Адонирам. | 14И посылал их на Ливан, по десяти тысяч на месяц, попеременно; месяц они были на Ливане, а два месяца в доме своем. Адонирам же начальствовал над ними. |
| 15 Нӧшта Соломонлӧн вӧліны уджалысьяс – сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изъяс. | 15Еще у Соломона было семьдесят тысяч носящих тяжести и восемьдесят тысяч каменосеков в горах, |
| 16 Став уджнас веськӧдлісны куим сюрс куимсё морт. | 16кроме трех тысяч трехсот начальников, поставленных Соломоном над работою для надзора за народом, который производил работу. |
| 17 Ен керкалы подув пуктӧм могысь ӧксы тшӧктіс вайны кералӧм гырысь бур изъяс. | 17И повелел царь привозить камни большие, камни дорогие, для основания дома, камни обделанные. |
| 18 Соломонлӧн йӧзыс лӧсалісны изъяссӧ Хирамлӧн йӧзкӧд да гевалсаяскӧд ӧтлаын. Тадзи [куим во чӧж] найӧ дасьтісны керъяс да изъяс Ен керка лэптӧм вылӧ. | 18Обтесывали же их работники Соломоновы и работники Хирамовы и Гивлитяне, и приготовляли дерева и камни для строения дома. |
Глава 5