Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН МЕДВОДДЗА НЕБÖГ | ПЕРВАЯ КНИГА ЦАРСТВ |
14 юр | Глава 14 |
| 1 Ӧтчыд Сауллӧн Ионафан пиыс шуис шыпурт новлӧдлысь кесйӧгыслы: «Мунам сёртас мӧдарладорас филистимса тышкакотыр дінӧ». Но аслас батьыслы та йылысь эз висьтав. | 1В один день сказал Ионафан, сын Саулов, слуге оруженосцу своему: ступай, перейдем к отряду Филистимскому, что на той стороне. А отцу своему не сказал об этом. |
| 2 Саул вӧлі Гива кар дорын Мигронын, гранат пу улын. Сыкӧд сэки вӧлі квайтсё гӧгӧр морт. | 2Саул же находился в окраине Гивы, под гранатовым деревом, что в Мигроне. С ним было около шестисот человек народа |
| 3 На пӧвстын вӧлі Ахий, Силомын Господьлы кесъялысь поп, кодлӧн вӧлі ефод. Ахий вӧлі Ахитувлӧн пи. Ахитув вӧлі Икаводлӧн вок, найӧ вӧліны Пинеслӧн пиян, а Пинес вӧлі Илий поплӧн пи. Сауллӧн йӧзыс эз тӧдлыны Ионафанлысь мунӧмсӧ. | 3и Ахия, сын Ахитува, брата Иохаведа, сына Финееса, сына Илия, священник Господа в Силоме, носивший ефод. Народ же не знал, что Ионафан пошел. |
| 4 Ионафан кӧсйис матыстчыны филистимса тышкакотыр дінӧ кык ёсь изкырта костын сулалысь сёртасӧд. Ӧтиыслӧн нимыс вӧлі Босес, мӧдыслӧн – Сене. | 4Между переходами, по которым Ионафан искал пробраться к отряду Филистимскому, была острая скала с одной стороны и острая скала с другой: имя одной Боцец, а имя другой Сене; |
| 5 Ӧтиыс чурвидзис войвывладорсянь да видзӧдіс Микмаслань, мӧдыс чурвидзис лунвывладорсянь да видзӧдіс Гевалань. | 5одна скала выдавалась с севера к Михмасу, другая с юга к Гиве. |
| 6 Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр». | 6И сказал Ионафан слуге оруженосцу своему: ступай, перейдем к отряду этих необрезанных; может быть, Господь поможет нам, ибо для Господа нетрудно спасти чрез многих, или немногих. |
| 7 Кесйӧгыс вочавидзис: «Вӧч, кыдзи сьӧлӧмыд висьталӧ. Ме тэкӧд. Муна, кытчӧ шуан». | 7И отвечал оруженосец: делай все, что на сердце у тебя; иди, вот я с тобою, куда тебе угодно. |
| 8 Ионафан шуис: «Ми мунам филистимсаяс дінӧ да петкӧдчам налы. | 8И сказал Ионафан: вот, мы перейдем к этим людям и станем на виду у них; |
| 9 Найӧ кӧ шуасны миянлы, сувтӧй, ми пӧ асьным матыстчам тіян дінӧ, сэки ми сувтам да огӧ кайӧй на дінӧ. | 9если они так скажут нам: `остановитесь, пока мы подойдем к вам', то мы остановимся на своих местах и не взойдем к ним; |
| 10 А тшӧктасны кӧ кайны на дінӧ, ми каям. Тайӧ лоӧ миянлы пасӧн, мый Господь сетіс найӧс миян киӧ». | 10а если так скажут: `поднимитесь к нам', то мы взойдем, ибо Господь предал их в руки наши; и это будет знаком для нас. |
| 11 Кор Ионафан аслас кесйӧгкӧд петкӧдчис филистимса тышкакотырлы, филистимсаяс пондісны шуасьны, видзӧдлӧй пӧ, еврейяс петалӧны сайӧдчанінсьыныс. | 11Когда оба они стали на виду у отряда Филистимского, то Филистимляне сказали: вот, Евреи выходят из ущелий, в которых попрятались они. |
| 12 Найӧ горӧдісны Ионафанлы да сылӧн кесйӧглы: «Кайӧй миян дінӧ, мыйкӧ висьталам тіянлы». Ионафан шуис кесйӧгыслы: «Лок ме бӧрся. Господь сетіс найӧс Израиль киӧ». | 12И закричали люди, составлявшие отряд, к Ионафану и оруженосцу его, говоря: взойдите к нам, и мы вам скажем нечто. Тогда Ионафан сказал оруженосцу своему: следуй за мною, ибо Господь предал их в руки Израиля. |
| 13 Кинас и кокнас кутчысьӧмӧн Ионафан кавшасис вывлань. Кесйӧгыс сы бӧрся. Ионафан водзын филистимсаяс усьласисны муас. Кесйӧгыс муніс Ионафан бӧрся да виаліс найӧс. | 13И начал всходить Ионафан, цепляясь руками и ногами, и оруженосец его за ним. И падали Филистимляне пред Ионафаном, а оруженосец добивал их за ним. |
| 14 Тайӧ медводдза уськӧдчылӧм дырйи Ионафан да сылӧн кесйӧгыс виисны матӧ кызь мортӧс. Тышыс муніс ичӧтик эрд вылын, кодӧс позис лун джынйӧн гӧрны кык ӧшкӧн. | 14И пало от этого первого поражения, нанесенного Ионафаном и оруженосцем его, около двадцати человек, на половине поля, обрабатываемого парою волов в день. |
| 15 Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм. | 15И произошел ужас в стане на поле и во всем народе; передовые отряды и опустошавшие землю пришли в трепет; дрогнула вся земля, и был ужас великий от Господа. |
| 16 Венямин муын Гива карын Сауллӧн тышкайӧзыс аддзисны, мый филистимсаяс пышйӧны коді кытчӧ. | 16И увидели стражи Саула в Гиве Вениаминовой, что толпа рассеивается и бежит туда и сюда. |
| 17 Сэки Саул шыасис аслас йӧз дінӧ, тӧдмалӧй пӧ, эз-ӧ кодкӧ миян пӧвстысь тышӧ пет. Видзӧдлісны да, Ионафан да сылӧн кесйӧгыс абуӧсь. | 17И сказал Саул к народу, бывшему с ним; пересмотрите и узнайте, кто из наших вышел. И пересмотрели, и вот нет Ионафана и оруженосца его. |
| 18 Саул тшӧктіс Ахий поплы вайны Енлысь кудсӧ. Енлӧн кудйыс сэки вӧлі Израиль ордын. | 18И сказал Саул Ахии: `принеси кивот Божий', ибо кивот Божий в то время был с сынами Израильскими. |
| 19 Кор Саул да Ахий поп сёрнитісны на, филистимса тышкайӧзлӧн шызьӧмыс [паськаліс да] ӧтарӧ содіс. Сэки Саул шуис Ахийлы: «Кудйыд оз нин ков». | 19Саул еще говорил к священнику, как смятение в стане Филистимском более и более распространялось и увеличивалось. Тогда сказал Саул священнику: сложи руки твои. |
| 20 Саул чукӧртіс ассьыс тышкайӧзсӧ, и найӧ котӧртісны тышкасянінӧ. Филистимсаяс сэтшӧма вӧлі шӧйӧвошӧмаӧсь, мый виалісны ӧта-мӧднысӧ. | 20И воскликнул Саул и весь народ, бывший с ним, и пришли к месту сражения, и вот, там меч каждого обращен был против ближнего своего; смятение было очень великое. |
| 21 Еврейяс, кодъяс водзынсӧ вӧліны филистимса дор да ветлывлісны накӧд тышӧ, вуджисны Сауллӧн да Ионафанлӧн йӧз дінӧ, асланыс Израиль войтыр дінӧ. | 21Тогда и Евреи, которые вчера и третьего дня были у Филистимлян и которые повсюду ходили с ними в стане, пристали к Израильтянам, находившимся с Саулом и Ионафаном; |
| 22 Ефрем керӧсвыв муын дзебсясьысь израильсаяс кор кылісны, мый филистимсаяс пышйӧны, тшӧтш ӧтувтчисны израильса тышкайӧзкӧд да петісны тышӧ. | 22и все Израильтяне, скрывавшиеся в горе Ефремовой, услышав, что Филистимляне побежали, также пристали к своим в сражении. |
| 23 Сійӧ лунӧ Господь мездіс Израиль войтырӧс. Тышыс воис Бет-Авенӧдз. [Саулкӧд ставнас йӧзыс вӧлі дас сюрс морт. Тышыс муніс Ефрем керӧсвыв му пасьтала, став карас.] | 23И спас Господь в тот день Израиля; битва же простерлась даже до Беф-Авена. |
| 24 Израильса тышкайӧз вӧлі ёна мудзӧмаӧсь. Ӧд таӧдз Саул шуис налы: «Ёрӧма быдӧнӧс, коді рытӧдзыс, вӧрӧглысь водзӧс перйытӧдз, мыйкӧ сёяс». Сійӧ [мӧвпышттӧг] тшӧктіс тышкайӧзыслы кыв сетны. Та вӧсна найӧ нинӧм эз сёйны. | 24Люди Израильские были истомлены в тот день; а Саул заклял народ, сказав: проклят, кто вкусит хлеба до вечера, доколе я не отомщу врагам моим. И никто из народа не вкусил пищи. |
| 25И пошел весь народ в лес, и был там на поляне мед. | |
| 25-26 Став тышкайӧзыс мунісны вӧрӧ. Сэні вӧліны мазі позъяс, маыс весиг войталіс му вылас. Вӧрӧ пыриганыс найӧ аддзисны масӧ, но некод эз инмӧдчы, ӧд полісны ёрӧмысь. | 26И вошел народ в лес, говоря: вот, течет мед. Но никто не протянул руки своей ко рту своему, ибо народ боялся заклятия. |
| 27 Ионафан эз кывлы, мый батьыс тшӧктӧма йӧзыслы кыв сетны. Сійӧ нюжӧдіс ассьыс бедьсӧ да чуньыштіс мазі позйысь масӧ. Масӧ видлӧм бӧрын сылӧн синмыс югзис. | 27Ионафан же не слышал, когда отец его заклинал народ, и, протянув конец палки, которая была в руке его, обмокнул ее в сот медовый и обратил рукою к устам своим, и просветлели глаза его. |
| 28 Ӧти морт шуис Ионафанлы: «Тэнад батьыд тшӧктіс йӧзыслы кыв сетны. Шуис, коді пӧ талун сёяс, сійӧс лоӧ ёрӧма. Сёйтӧмнысла йӧзыслӧн эбӧсыс бырис». | 28И сказал ему один из народа, говоря: отец твой заклял народ, сказав: `проклят, кто сегодня вкусит пищи'; от этого народ истомился. |
| 29 «Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын. | 29И сказал Ионафан: смутил отец мой землю; смотрите, у меня просветлели глаза, когда я вкусил немного этого меду; |
| 30 Талун кӧ йӧзыс сёйыштісны вӧрӧгӧн кольӧм сёян, позис эськӧ унджык филистимсаӧс пасьвартны». | 30если бы поел сегодня народ из добычи, какую нашел у врагов своих, то не большее ли было бы поражение Филистимлян? |
| 31 Сійӧ лунӧ израильсаяс вӧтлісны филистимсаясӧс Микмассянь Аялонӧдз. Йӧзыс дзикӧдз эбӧстӧммисны. | 31И поражали Филистимлян в тот день от Михмаса до Аиалона, и народ очень истомился. |
| 32 Сэки найӧ уськӧдчисны босьтавны филистимсаяслысь ыжъяссӧ, ӧшъяссӧ да куканьяссӧ. Сэсся му вылас начкисны найӧс да сёйисны яйсӧ вир сорнас. | 32И кинулся народ на добычу, и брали овец, волов и телят, и заколали на земле, и ел народ с кровью. |
| 33 Сауллы висьталісны, тэнад йӧзыд пӧ мыж вӧчӧны Господьлы паныд – сёйӧны вир сора яй. Саул шуис йӧзыслы: «Ті мыжминныд. Путкыльтӧй меным татчӧ ыджыд из». | 33И возвестили Саулу, говоря: вот, народ грешит пред Господом, ест с кровью. И сказал Саул: вы согрешили; привалите ко мне теперь большой камень. |
| 34 Сэсся шуис: «Мунӧй да висьталӧй йӧзыслы, мед быдӧн вайӧдас ме дінӧ ассьыс ӧшсӧ да ыжсӧ. Тані начкысьӧй да сёйӧй. Дугдӧй мыж вӧчны Господьлы паныд – энӧ сёйӧй вир сора яйсӧ». Войнас быдӧн вайӧдіс ассьыс ӧшсӧ [либӧ ыжсӧ] да начкис | 34Потом сказал Саул: пройдите между народом и скажите ему: пусть каждый приводит ко мне своего вола и каждый свою овцу, и заколайте здесь и ешьте, и не грешите пред Господом, не ешьте с кровью. И приводили все из народа, каждый своею рукою, вола своего ночью, и заколали там. |
| 35 Господьлы вӧчӧм висьпуктанін вылын. Тайӧ вӧлі Саулӧн сувтӧдӧм висьпуктанінъясысь медводдзаыс. | 35И устроил Саул жертвенник Господу: то был первый жертвенник, поставленный им Господу. |
| 36 Сэсся Саул шуис аслас тышкайӧзлы: «Петамӧй войнас да вӧтӧдам филистимсаясӧс. Югдытӧдзыс топӧдам найӧс да весиг ӧти мортӧс ловйӧн огӧ кольӧй». Найӧ вочавидзисны: «Вӧч, кыдзи бурджык чайтан». Но поп шуис: «Шыасямӧй Ен дінӧ». | 36И сказал Саул: пойдем в погоню за Филистимлянами ночью и оберем их до рассвета и не оставим у них ни одного человека. И сказали: делай все, что хорошо в глазах твоих. Священник же сказал: приступим здесь к Богу. |
| 37 Саул кевмысигас юаліс Енлысь: «Вӧтӧдны-ӧ меным филистимсаясӧс? Сетан-ӧ найӧс Израиль киӧ?» Но Енмыс сійӧ лунӧ эз вочавидз сылы. | 37И вопросил Саул Бога: идти ли мне в погоню за Филистимлянами? предашь ли их в руки Израиля? Но Он не отвечал ему в тот день. |
| 38 Сэки Саул корис ас дінас став израильса юралысьсӧ да шуис: «Тӧдмалӧй, коді мыжсӧ вӧчис. | 38Тогда сказал Саул: пусть подойдут сюда все начальники народа и разведают и узнают, на ком грех ныне? |
| 39 Израильӧс мездысь ловъя Господь водзын шуа: весиг кӧ менам Ионафан пиӧй мыжа, сійӧ ловйӧн оз коль». Став йӧзыс чӧв олісны. | 39ибо, --жив Господь, спасший Израиля, --если окажется и на Ионафане, сыне моем, то и он умрет непременно. Но никто не отвечал ему из всего народа. |
| 40 Саул шуис израильса тышкайӧзлы: «Ті сувтӧй ӧтарладорас, а ме аслам Ионафан пикӧд сувта мӧдарладорас». Йӧзыс воча шуисны: «Вӧч, кыдзи бурджык чайтан». | 40И сказал Саул всем Израильтянам: станьте вы по одну сторону, а я и сын мой Ионафан станем по другую сторону. И отвечал народ Саулу: делай, что хорошо в глазах твоих. |
| 41 Саул шыасис Господь дінӧ: «Господьӧй, Израильлӧн Енмӧй! [Мыйла Тэ талун эн вочавидз меным, Аслад кесйӧглы?] Уримӧн да туммимӧн*а пудъясьӧм пыр петкӧдлы миянлы мыжаясӧс. Мыжа кӧ ме либӧ менам Ионафан пиӧй, мед усьӧ урим. [Мыжа кӧ Тэнад Израиль войтырыд, мед усьӧ туммим.]» Сэки Енмыс индіс, мый мыжаӧсь Ионафан да Саул, а йӧзыс абу мыжаӧсь. | 41И сказал Саул: Господи, Боже Израилев! дай знамение. И уличены были Ионафан и Саул, а народ вышел правым. |
| 42 Саул шуис: «Пудъясьӧй ме да менам Ионафан пиӧй вӧсна». [Сійӧ содтіс: «Код вылӧ Господь индас, сылы и ковмас кувны». Но йӧзыс шуисны Сауллы: «Мед оз ло тадз!» Но Саул сулаліс аслас шуӧм кыв вылын. Сэсся пудъясисны.] Пудйыс уси Ионафан вылӧ. | 42Тогда сказал Саул: бросьте жребий между мною и между Ионафаном, сыном моим. и пал жребий на Ионафана. |
| 43 Саул юаліс Ионафанлысь: «Висьтав, мый тэ вӧчин?» Ионафан висьталіс: «Тайӧ бедь помнас ме видлі ма. Сідзкӧ, меным кувны». | 43И сказал Саул Ионафану: расскажи мне, что сделал ты? И рассказал ему Ионафан и сказал: я отведал концом палки, которая в руке моей, немного меду; и вот, я должен умереть. |
| 44 Саул воча шуис: «Енмыс мед ёна мыждас менӧ, тэ кӧ, Ионафан, талун он кув». | 44И сказал Саул: пусть то и то сделает мне Бог, и еще больше сделает; ты, Ионафан, должен сегодня умереть! |
| 45 Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли. | 45Но народ сказал Саулу: Ионафану ли умереть, который доставил столь великое спасение Израилю? Да не будет этого! Жив Господь, и волос не упадет с головы его на землю, ибо с Богом он действовал ныне. И освободил народ Ионафана, и не умер он. |
| 46 Саул бӧр бергӧдчис, эз кут водзӧ вӧтӧдны филистимсаясӧс. Филистимсаяс жӧ мунісны асланыс муӧ. | 46И возвратился Саул от преследования Филистимлян; Филистимляне же пошли в свое место. |
| 47 Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс. | 47И утвердил Саул свое царствование над Израилем, и воевал со всеми окрестными врагами своими, с Моавом и с Аммонитянами, и с Едомом и с царями Совы и с Филистимлянами, и везде, против кого ни обращался, имел успех. |
| 48 Амаликъясӧс пасьвартӧмнас Саул петкӧдліс ассьыс вынсӧ. Сійӧ мездіс Израильӧс куштысьяс киысь. | 48И устроил войско, и поразил Амалика, и освободил Израиля от руки грабителей его. |
| 49 Сауллысь пиянсӧ шуисны Ионафан, Ишви да Малкисуй. Нӧшта сылӧн вӧлі кык ныв: ыджыдыслӧн нимыс вӧлі Мерова, ичӧтыслӧн – Мелкола. | 49Сыновья у Саула были: Ионафан, Иессуи и Мелхисуа; а имена двух дочерей его: имя старшей--Мерова, а имя младшей--Мелхола. |
| 50 Сауллӧн гӧтырыс вӧлі Ахимааслӧн Ахиноама нылыс. Сауллӧн Нир дядьыслӧн Авенир пиыс веськӧдліс Сауллӧн тышкайӧзӧн. | 50Имя же жены Сауловой--Ахиноамь, дочь Ахимааца; а имя начальника войска его--Авенир, сын Нира, дяди Саулова. |
| 51 Сауллӧн Кис батьыс да Авенирлӧн Нир батьыс вӧліны Авиэллӧн пиян. | 51Кис, отец Саулов, и Нир, отец Авенира, были сыновьями Авиила. |
| 52 Сауллӧн ӧксыалан кадӧ израильсаяс дугдывтӧг чорыда тышкасисны филистимсаяскӧд. Кор Саул аддзывліс Израиль войтыр пӧвстысь ён да збой мортӧс, босьтліс сійӧс аслас тышкайӧз лыдӧ. | 52И была упорная война против Филистимлян во все время Саулово. И когда Саул видел какого-либо человека сильного и воинственного, брал его к себе. |
*а 41 14:41 Видзӧд Пет. 28:30.
Глава 14