Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН МЕДВОДДЗА НЕБÖГ | ПЕРВАЯ КНИГА ЦАРСТВ |
13 юр | Глава 13 |
| 1 Сауллӧн ӧксыӧ пуксьӧмсянь коли во. Мӧд вонас Саул бӧрйис Израиль войтырысь аслыс тышкайӧзӧс – куим сюрс мортӧс. | 1Год был по воцарении Саула, и другой год царствовал он над Израилем, как выбрал Саул себе три тысячи из Израильтян: |
| 2 Кык сюрсыс вӧлі Саулкӧд Микмасын да Вефиль керӧсын, а ӧти сюрсыс вӧлі Ионафанкӧд Гиваын Венямин муын. Мукӧдсӧ Саул лэдзис гортаныс. | 2две тысячи были с Саулом в Михмасе и на горе Вефильской, тысяча же была с Ионафаном в Гиве Вениаминовой; а прочий народ отпустил он по домам своим. |
| 3 Геваын*а Ионафан пасьвартіс филистимсаяслысь тышкакотырсӧ. Та йылысь кывсис мукӧд филистимса тышкайӧзлы. Сэки Саул тшӧктіс буксыны буксанӧн Израиль му пасьтала, медым еврейяс тӧдмалісны, | 3И разбил Ионафан охранный отряд Филистимский, который был в Гиве; и услышали об этом Филистимляне, а Саул протрубил трубою по всей стране, возглашая: да услышат Евреи! |
| 4 мый Саул пасьвартӧма филистимса тышкакотырӧс, и филистимсаяс лӧгалӧны израильсаяс вылӧ. Та йылысь кылӧм бӧрын став Израиль войтырыс чукӧртчис Саул дінӧ Галгалӧ. | 4Когда весь Израиль услышал, что разбил Саул охранный отряд Филистимский и что Израиль сделался ненавистным для Филистимлян, то народ собрался к Саулу в Галгал. |
| 5 Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ. | 5И собрались Филистимляне на войну против Израиля: тридцать тысяч колесниц и шесть тысяч конницы, и народа множество, как песок на берегу моря; и пришли и расположились станом в Михмасе, с восточной стороны Беф-Авена. |
| 6 Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ. | 6Израильтяне, видя, что они в опасности, потому что народ был стеснен, укрывались в пещерах и в ущельях, и между скалами, и в башнях, и во рвах; |
| 7 Мукӧдыс вуджисны Йӧрдан ю сайӧ, Гад чужанкотырлӧн муӧ да Галаад муӧ. Саул кольччис Галгалӧ. Йӧзыс, кодъяс вӧліны сыкӧд, ёна полісны. | 7а некоторые из Евреев переправились за Иордан в страну Гадову и Галаадскую; Саул же находился еще в Галгале, и весь народ, бывший с ним, находился в страхе. |
| 8 Сизим лун чӧж, Самуиллӧн индӧм кадӧдз, Саул виччысис сійӧс. Но Самуил век на эз лок Галгалӧ, и войтырыс кутіс мунавны Саул дінысь. | 8И ждал он семь дней, до срока, назначенного Самуилом, а Самуил не приходил в Галгал; и стал народ разбегаться от него. |
| 9 Сэки Саул шуис: «Вайӧдӧй пемӧсъясӧс, мед вайны Енлы сотан вись да бурасян висьяс». Сэсся Саул вайис Енлы сотан вись. | 9И сказал Саул: приведите ко мне, что назначено для жертвы всесожжения и для жертв мирных. И вознес всесожжение. |
| 10 Вись вайӧмыс муртса помасис, и Самуил локтіс. Саул воча петіс сылы, мед чолӧмасьны сыкӧд. | 10Но едва кончил он возношение всесожжения, вот, приходит Самуил; и вышел Саул к нему навстречу, чтобы приветствовать его. |
| 11 Но Самуил шуис: «Мый тэ вӧчин?» Саул вочавидзис: «Урчитӧм кадыс коли нин, а тэ век на эн лок. Войтырыс кутіс мунавны ме дінысь, а филистимсаяс вӧліны нин Микмасынӧсь. | 11Но Самуил сказал: что ты сделал? Саул отвечал: я видел, что народ разбегается от меня, а ты не приходил к назначенному времени; Филистимляне же собрались в Михмасе; |
| 12 Сэки ме мӧвпышті, ӧні, мися, локтасны филистимсаяс Галгалӧ да уськӧдчасны ме вылӧ, а ме весиг эг на шыась Господь дінӧ. Та вӧсна шуи, мый ачым вая сотан висьсӧ». | 12тогда подумал я: `теперь придут на меня Филистимляне в Галгал, а я еще не вопросил Господа', и потому решился принести всесожжение. |
| 13 Самуил шуис Сауллы: «Тэ лёка вӧчин. Тэ торкин аслад Господь Енлысь тэныд сетӧм тшӧктӧмсӧ. Тэ кӧ вӧчин Господьлӧн тшӧктӧм серти, Сійӧ эськӧ пыр кежлӧ вынсьӧдіс тэнсьыд ӧксыалӧмтӧ Израильын. | 13И сказал Самуил Саулу: худо поступил ты, что не исполнил повеления Господа Бога твоего, которое дано было тебе, ибо ныне упрочил бы Господь царствование твое над Израилем навсегда; |
| 14 Но ӧні тэнад ӧксыалӧмыд оз ло дыр. Господь корсяс Аслыс мортӧс сьӧлӧм сертиыс да пуктас сійӧс Аслас войтырлы юралысьӧ, ӧд тэ эн вӧч Господьлӧн тшӧктӧм серти». | 14но теперь не устоять царствованию твоему; Господь найдет Себе мужа по сердцу Своему, и повелит ему Господь быть вождем народа Своего, так как ты не исполнил того, что было повелено тебе Господом. |
| 15 Самуил чеччис да муніс Галгалысь Гиваӧ Венямин муӧ. [Гиваӧ муніганыс Саулкӧд кольччӧм йӧзыс паныдасисны вӧрӧгкӧд. Вӧрӧг уськӧдчис на вылӧ.] Гиваын Саул арталіс-гижаліс ассьыс йӧзсӧ, лои морт квайтсё. | 15И встал Самуил и пошел из Галгала в Гиву Вениаминову; а Саул пересчитал людей, бывших с ним, до шестисот человек. |
| 16 Аслас йӧзкӧд да Ионафан пиыскӧд Саул кольччис Геваӧ Венямин муӧ. [Найӧ бӧрдісны, ӧд] филистимса тышкайӧз вӧліны Микмасынӧсь. | 16Саул с сыном своим Ионафаном и людьми, находившимися при них, засели в Гиве Вениаминовой; Филистимляне же стояли станом в Михмасе. |
| 17 Филистимсаяс ыстісны куим тышкакотыр, медым куштыны му. Ӧти тышкакотыр муніс Офралань, Шуал муӧ, | 17И вышли из стана Филистимского три отряда для опустошения земли: один направился по дороге к Офре, в округ Суаль, |
| 18 мӧд тышкакотырыс веськӧдчис Бет-Хоронлань, а коймӧд тышкакотырыс муніс Цевоим ковтысӧ нуӧдан туйӧд овтӧминлань. | 18другой отряд направился по дороге Вефоронской, а третий направился по дороге к границе долины Цевоим, к пустыне. |
| 19 Израиль му пасьтала эз вӧвны дорччысьяс, ӧд филистимсаяс эз лэдзны еврейяслы дорны шыяс да шыпуртъяс. | 19Кузнецов не было во всей земле Израильской; ибо Филистимляне опасались, чтобы Евреи не сделали меча или копья. |
| 20 Израильсаяслы колӧ вӧлі ветлыны филистимсаяс дінӧ, медым лэчтыны гӧр-чернысӧ да кокан-чарланысӧ. | 20И должны были ходить все Израильтяне к Филистимлянам оттачивать свои сошники, и свои заступы, и свои топоры, и свои кирки, |
| 21 Чуктавліс кӧ гӧрныс, коканныс, вила-черныс либӧ колӧ вӧлі веськӧдны бедьлысь кӧрт помсӧ, найӧ мынтылісны ыджыд дон. | 21когда сделается щербина на острие у сошников, и у заступов, и у вил, и у топоров, или нужно рожон поправить. |
| 22 Та вӧсна [Микмасын] тышкасигӧн Саул да Ионафан йӧзлӧн эз вӧвны шыпуртъяс ни шыяс, вӧлі сӧмын Сауллӧн да Ионафан пиыслӧн. | 22Поэтому во время войны не было ни меча, ни копья у всего народа, бывшего с Саулом и Ионафаном, а только нашлись они у Саула и Ионафана, сына его. |
| 23 Филистимсаяслӧн водзын мунысь тышкакотырыс сувтіс Микмас кардорса сёртасӧ. | 23И вышел передовой отряд Филистимский к переправе Михмасской. |
*а 3 13:3 Гева и Гива нимъяс вермӧны лоны ӧти и сійӧ жӧ карӧн.
Глава 13