Bible
Choose Language
Old Testament Books
New Testament Books
ПСАЛТИРЬ
62-тӥ ПСАЛОМ
1Иудеяысь кыр дуннеын улыкуз Давидлэн кылдытэм крезьгурез.*а
2Эй, Инмаре! Тон мынам Инмаре,
ӵук ӟардонысен ик мон Тонэ утчасько ни.
Тэльмырыса Тонэ лулы утча,
вутэк кылем пашмем кыр музъемын Тонэ утчаса курадӟе лулмугоры.
3Тынэсьтыд кужымдэ, данлыктэ адӟон понна
вӧсяськон интыысен Тонэ учкыса мон улӥ вал.
4Тынад гажан-жалянэд, улон сярысь, ӟечгес.
Кылыным-ымыным Тонэ ушъяло.
5Тазьы мон быдэс улонам Тыныд тау карыса уло,
нимдэ данъяса, киосме вылэ ӝуто.
6Кӧё-вӧё сиёнэн кадь мынам лулы тыр луэ,
шумпотыса Тонэ кылыным-ымыным ушъясько.
7Валесысеным Тонэ тодам вайисько,
уйёсы Тон сярысь малпаськисько.
8Тон мынам юрттӥсе, Тынад бурдыдлэн шобрет улаз
мон шумпотыса уло.
9Тон борды лулы лякиськиз, бур киыд монэ кутыса возе.
10Лулылы бырон утчасьёс адлэн пыдэсаз усёзы,
11палашен ӵогиськыса усёзы, ӟичыослы мылес луозы.
12Инмар бордын улыса, эксэй шумпотон басьтоз,
котькудзэ но, Солэн нимыныз кыл сётӥсь муртэ, ушъялозы,
нош ӧрекчаськыса вераськисьёслэн ымъёссы ворсаськозы.
*а 62:1 1 Экс. 23:14
Глава 62
