Bible
Choose Language
Old Testament Books
New Testament Books
ПСАЛТИРЬ
63-тӥ ПСАЛОМ
1Хорлэн кивалтӥсезлы. Давидлэн крезьгурез.
2Эй, Инмаре, кыл мынэсьтым сюлворем куараме,
тушмон азьын кышкаса улонлэсь лулме уть.
3Кескичъёслэн урод малпанзылэсь,
сьӧсь муртъёслэн бугыръяськонзылэсь монэ ват.
4Соос кылзэс пурт кадь лэчыт каризы,
пукыӵсэс – вӧсь карись, чурыт кылзэс – золтӥзы.
5Янгыштэм мурт шоры лушкемен ыбылон вылысь.
Шӧдтэк шорысь со шоры соос ыбо, уг но кышкало.
6Урод малпанэн соос юнматскизы,
сьӧлтэтъёссэс ватыны кенешыса шуизы: «Кин соосты адӟоз?»
7Янгышез утчало, эскерон бӧрсьы эскерон лэсьто,
адямилэсь пуш малпанзэ гинэ но сюлэмлэн пыдэсозяз ик эскеро.
8Но Инмар соосты пукыӵ ньӧлэн ыбылоз,
шӧдтэк шорысь соосты яраё карылоз.
9Асьсэлэн кылынызы асьсэдыз погыртозы,
ваньмыз соосты адӟисьёс палэнскозы.
10Вань адямиос кышкалозы но Инмарлэсь ужзэ тодытозы,
валалозы, та Солэн ужез шуыса.
11Шонер улӥсь Кузё-Инмар бордын шумпотоз,
Солы оскиськыса улоз,
ваньмыз чылкыт сюлэмоос шулдыръяськозы.
Глава 63
