Bible
Choose Language
Old Testament Books
New Testament Books
ПСАЛТИРЬ
61-тӥ ПСАЛОМ
1Хорлэн кивалтӥсезлы, Идифумлы. Давидлэн крезьгурез.
2Инмар бордын гинэ лулы буйгатске, Со бордын мынам утиськонэ.
3Со гинэ мынам юнматскон интые, утиськонэ, ватӥськон интые:
уг ни куалекты табере.
4Кема-а тӥ адямиез пачкатыса возёды на?
Ёмырам борддор кадь, куашкам кенер кадь
ваньнады тӥ сэрпалтэмын луоды.
5Вылӥысь сое куштыны соос малпазы, ӧрекчаськыны ярато;
ымынызы бакель каро, нош сюлмынызы каргасько.
6Эй, лулы, Инмар дорысь гинэ буйгатскон утча!
Солы гинэ уго мынам оскиськонэ.
7Со гинэ мынам юнматскон интые, утиськонэ, ватӥськон интые:
уг куалекты.
8Инмар бордын мынам утиськонэ, мынам данэ,
кужым басьтон интые, мынам оскиськонэ Инмар дорын.
9Калык! Котькыӵе но дыръёсы Со вылэ оскиськы,
Со азьын аслэсьтыд сюлэмдэ усьты –
Инмар уго асьмелэн утиськон интымы.
10Адямиос – юнме алекъяськон гинэ;
адями пиос – ӧрекчаськон;
соосты мертаськон вес вылэ тырид ке,
ваньзы ӵош буш омырлэсь но капчигес луозы.
11Ваньбур талан вылэ эн оскиське,
лушкаськеменыды но эн ушъяське.
Узырлыкты ватсаське ке, сюлэмдэс со борды эн понэ.
12Одӥг пол Инмар тае вераз, но мон сое кык пол кылӥ:
«Кужым – Инмар бордын».
13Гажан-жалян но Тон дорын, Кузё-Инмаре,
котькудӥзлы но солэн ужезъя Тон пунэмзэ берыктӥськод.
Глава 61
