Bible
Choose Language
Old Testament Books
New Testament Books
ПСАЛТИРЬ
53-тӥ ПСАЛОМ
1Хорлэн кивалтӥсезлы. Сиё шудонъёсын. Давидлэн дышетонэз.
2Зӥфейёс лыктӥллям но Сауллы шуиллям: «Давид асьме дорын пегӟыса уг улы меда?»*а
3Эй, Инмаре, Аслад нимыныд уть монэ,
Аслад кужыменыд дурбасьты мыным.
4Эй, Инмаре, кыл мынэсьтым вӧсяськемме,
ымысьтым потэм кылъёсты санэ пон.
5Уго сьӧр муртъёс мыным пумит султӥзы,
лек сюлэмоос мынэсьтым лулме утчало,
соос Инмарез санэ уг поно.
6Нош Инмар мыным юрттэ; Кузё-Инмар мынэсьтым лулме юнматэ.
7Тушмонъёсылэсь уродзэс Со асьсэ вылэ берыктоз;
Ачид Тон зэмлык, быдты соосты.
8Ӟеч мылкыдыным мон Тыныд курбон ваё,
Кузё-Инмаре, Тынэсьтыд нимдэ данъяло, уго Тынад нимыд ӟечлыко.
9Вань куректон-кайгуослэсь Тон монэ мозмытӥд,
синмы тушмонъёсы шоры учкыса улӥз.
*а 53:2 1 Экс. 23:19; 26:1
Глава 53
