Bible
Choose Language
Old Testament Books
New Testament Books
ПСАЛТИРЬ
52-тӥ ПСАЛОМ
1Хорлэн кивалтӥсезлы. Пелляса шудонэн. Давидлэн дышетонэз.
2Визьзэ ыштэм мурт ас сюлмаз шуиз: «Инмар ӧвӧл».
Азӥзы соос, юрӟым ужъёс лэсьтӥзы; ӟечсэ лэсьтӥсь ӧвӧл.
3Инмар Инмысен адямиос шоры учкиз,
визьмо, Инмарез утчась мурт вань на-а шуыса адӟыны.
4Ваньзы палэнскизы, ваньзы огкадь ярантэмесь луизы;
ӟечсэ лэсьтӥсь ӧвӧл, одӥг адями но ӧвӧл.
5Законлы пумит улӥсьёс, мынэсьтым калыкме нянез кадь сиисьёс,
Инмарлы вазиськисьтэмъёс, уз визьмаське ни шат?
6Отын, кытын кышкан ӧй вал, соосты кышкан ӝикатӥз.
Тыныд пумит султӥсьёслэсь лыоссэс Инмар пазьгоз.
Тон соосты возьытэ вуттод, Инмар соосты кулэтэм кариз уго.
7Сӥонысен Израильлы кин утиськон сётоз!
Инмар Аслэсьтыз калыксэ пленысь берыктэм бере
Иаков шумпотоз но Израиль шулдыръяськоз.
Глава 52
