Bible
Choose Language
Old Testament Books
New Testament Books
ПСАЛТИРЬ
51-тӥ ПСАЛОМ
1Хорлэн кивалтӥсезлы. Давидлэн дышетонэз.
2Идумей пи Доик лыктыса Сауллы урттылӥськем, Давид Ахимелехлэн юртаз, пе, лыктэм.*а
3Кужмо мурт, урод ужен мар ушъяськиськод?
Инмарлэн гажан-жалянэз быдэс нуналлы.
4Тон лек ужъёс лэсьтыны малпаськод,
тынад кылыд шерем лэчыт пурт кадь кескич!
5Ӟечлык сярысь, тон уродлыкез золгес яратӥськод,
зэмлык сярысь, тросгес ӧрекчаськонэз.
6Тон яратӥськод быронэ нуись вераськонъёсты, кескич кылъёсты.
7Со понна Инмар тонэ пыраклы сузмытоз,
куштоз тонэ, юртысьтыд уллялоз,
выжыдэ улэпъёслэн музъемысьтызы ишкалтоз.
8Шонер улӥсьёс адӟыса куалектозы, сое серекъяса шуозы:
9«Тани та адями, Инмар солэн утиськонэз шуыса, ӧз оскиськы,
аслаз трос узырлыкез вылэ оскиськыса,
урод ужъёс лэсьтыны кужым люкаса, со улӥз».
10Нош мон Инмарлэн корказ вожектӥсь вӧйпу кадь,
Инмарлэн гажан-жалянэзлы пумтэм вапумъёсы оскиськыса улӥсько.
11Тынад лэсьтэм ужед понна пумтэм дауръёс ӵоже Тонэ данъяса уло,
Тынад нимыдлы оскиськыса уло,
уго Тынад нимыд святойёсыд понна ӟечлык луэ.
*а 51:2 1 Экс. 22:9-10
Глава 51
