Bible
Choose Language
Old Testament Books
New Testament Books
ПСАЛТИРЬ
33-тӥ ПСАЛОМ
1Давидлэн крезьгурез. Авимелех азьын Давид визьтэм улэ аналскиз вал, нош эксэй сое дорысьтыз улляз, соку Давид отысь кошкиз.*а
2Кузё-Инмарлы котькыӵе но дыре тау каро,
Сое ушъян ялан ым пушкам улэ.
3Кузё-Инмарен мынам лулы данъяськоз,
зӥбыт муртъёс кылозы но шумпотозы.
4Кузё-Инмарез монэн ӵош дано каре,
Солэсь нимзэ ваньмы ӵош вылӥ кароме!
5Кузё-Инмарез утчай но, Со монэ кылӥз,
вань кышкытлыкъёслэсь монэ мозмытӥз.
6Со пала ымнырзэс берыктэм муртъёс югдытскизы,
соослэн ымныръёссы уз возьдаське.
7Таиз кураськись вазиз но, Кузё-Инмар кылӥз,
сое вань курадӟонъёсызлэсь мозмытӥз.
8Кузё-Инмарлэн Кылчинэз Солэсь кышкасьёс котыре
интыяське но соосты уте.
9Веръяса утчалэ но адӟоды макем ӟечлыко Кузё-Инмар!
Шудо адями, кудӥз Со вылэ оскиське!
10Солэн [вань] святойёсыз, Кузё-Инмарлэсь кышкалэ,
Солэсь кышкасьёс пӧлын начар улон ӧвӧл уго.
11Левпиос куанер улонэ кылё но сютэм уло,
нош Кузё-Инмарез утчасьёс нокыӵе но ӟечлыклы ёрмыса уг уло.
12Пиналъёс, лыктэлэ, кылзӥське монэ:
Кузё-Инмарлэсь кышканлы тӥледыз дышето.
13Улонэз яратӥськод ке, ӟеч нуналъёсыз адӟемед потэ ке,
14урод веранлэсь кылдэ чакла, ымдэ кескич кылъёслэсь уть.
15Уродлэсь палэнскы, ӟечсэ лэсьты,
тупаса улонэз утча – со сьӧры мын.
16Кузё-Инмарлэн синмыз шонер улӥсьёс шоры учке,
Солэн пельыз та адямиослэн куриськонзы палан улэ.
17Кузё-Инмарлэн ымнырыз уродэз лэсьтӥсьёслы пумит,
музъем вылысь соос сярысь тодэ ваёнэз быдтон вылысь.
18[Шонер улӥсьёс] тэльмырыса вазисько но,
Кузё-Инмар соосты кылэ,
вань куректон-кайгуоссылэсь соосты мозмытэ.
19Сюлмынызы чигиськыса улӥсьёслы Кузё-Инмар матын улэ,
духенызы зӥбыт муртъёсты Со уте.
20Шонер улӥсьлэн трос куректон-кайгуэз,
нош соослэсь ваньмызлэсь сое Кузё-Инмар мозмытоз.
21Солэсь вань лыоссэ Со уте, соос пӧлысь одӥгез но уз чигиськы.
22Сьӧлыклэсь кышкасьтэмез уродлык виёз,
шонер улӥсез синазькыль карисьёс быдтэмын луозы.
23Аслаз ляльчиосызлэсь лулзэс Кузё-Инмар мозмытоз,
Солы оскиськисьёс пӧлысь нокин но быдтэмын уз луы.
*а 33:1 1Экс. 21:13-15
Глава 33
