Choose Language
Old Testament Books
New Testament Books
1Давид Номвае Ахимелех священник доры лыктӥз, Давидэн пумиськыкуз, Ахимелех куалектыса солы шуиз: «Малы тон огнад, нокин но тонэн ӵош ӧвӧл?»2Ахимелех священниклы Давид шуиз: «Эксэй тазьы шуыса мыным уж сётӥз: ”Нокин но медаз тоды, мар понна мон тонэ ыстӥ, кыӵе косон тыныд сётӥ”; соин ик мон адямиосты тодмо интые кельтӥ.3Озьыен, мар тынад ки улад вань, вай мыным – ог вить сукыри нянь яке мар шедёз».
4Священник Давидлы тазьы ответ сётӥз: «Мынам ки улам огшоры няне ӧвӧл, вӧсямез гинэ няне вань; тынад адямиосыд кышномуртъёсын ӧз ке кӧлэ, [мед сиёзы]».5Давид священниклы ответ сётыса шуиз: «Ми пӧлын кышномуртъёс ӧй вал толон но, валлян но, потэме дырысен, пинал пиослэн сосудъёссы чылкытэсь, нош сюрес чылкыт ке но ӧвӧл, соку но сосудъёсы нянь чылкыт куен кылёз».
6Священник солы вӧсям нянь сётӥз, уго солэн, курбон няньёс сяна, мукет нянез ӧй вал, со курбон няньёсты Кузё-Инмар азьысь басьтӥз но соос интые выль няньёс понӥз.
7Со нуналэ Кузё-Инмар азьын Сауллэн одӥгез, Доик нимо медоез, идумей пи сылӥз, со Сауллэсь пудозэ возьмасьёслэн кузёйырзы вал.
8Давид Ахимелехлы шуиз: «Тынад ки улад татын ӧвӧл-а шибодыед яке мечед? Мон сьӧрам меч но, мукет ожмаськон арбери но ӧй басьты, эксэйлэсь косонзэ ӝог быдэстоно вал уго».9Священник шуиз: «Тани Голиафлэн, филистим пилэн, мечез, кинэ тон Тыпы нёжалысен виид, со дӥськутэ бинялтэмын, ефод берын. Кулэ ке, басьты сое; мукетыз татын ӧвӧл». Давид шуиз: «Солы укшасез ӧвӧл, вай сое мыным». [Солы сётӥз.]10Давид султӥз но со нуналэ ик Сауллэсь пегӟиз, Гефлэн Анхус эксэез доры вуиз.
11Анхуслы медоосыз шуизы: «Та Давид ӧвӧл-а, со кунлэн эксэез? Ваче ки кутскыса, тазьы кырӟаса солы ӧз-а вералэ: ”Саул сюрссэ погыртӥз, нош Давид – дасо сюрсъёссэ?”»12Давид та кылъёсты сюлмаз понӥз, юн кышказ Анхуслэсь, Геф эксэйлэсь.13Ымнырзэ соос азьын воштӥз, визьтэм улэ аналскиз, кар капкалэн ӧсъёсыз борды гожъяз, [киосыз вылэ уськытскылӥз], туш кузяз дыльдызэ чур виятӥз.14Анхус ляльчиосызлы шуиз: «Адӟиськоды-а, со визьзэ ыштэм адями; малы сое мон доры вайиды?15Ӧжыт шат мынам визьзэс ыштэм муртъёсы, сое мон доры мынам азям мед укылтэмъяськоз шуыса-а вайиды? Оло, со мынам коркам пыроз шуиськоды-а?»
Глава 21
