Bible
Choose Language
Old Testament Books
New Testament Books
ПСАЛТИРЬ
137-тӥ ПСАЛОМ
Давидлэн крезьгурез.
1Вань сюлмысьтым Тыныд тау карисько,
Кылчинъёс*а азьын Тонэ данъяса кырӟасько,
[уго Тон ымысьтым потӥсь вань кылъёсты кылӥд].
2Святой храмед азьын йыбыртто,
Тынад гажан-жалянэд, зэмлыкед понна Тынэсьтыд нимдэ данъяло;
Аслэсьтыд кылдэ, нимдэ вылэ ӝутӥд.
3Тыныд вазиськон нуналам Тон монэ кылӥд,
кужым сётыса, лулме юнматӥд.
4Кузё-Инмаре, ымысьтыд потэм кылэз кылыса,
музъем вылысь вань эксэйёс Тонэ данъялозы,
5Кузё-Инмарлэн сюресъёсыз сярысь кырӟаса вералозы,
Кузё-Инмарлэн данэз туж быдӟым уго.
6Кузё-Инмар вылӥын: востэмез но адӟе,
вылӥ мылкыдоез но кыдёкысен тодма.
7Куректон-кайгуос пушкытӥ мыноно ке луи,
Тон монэ улэп кельтод,
тушмонъёсылэн лекъяськон шоразы кидэ мычод но
бур киыныд монэ утёд.
8Мон понна сётэм кылзэ Кузё-Инмар быдэстоз!
Тынад гажан-жалянэд, Кузё-Инмаре,
пумтэм вапумъёсы улэ,
Ас киыдлэсь ужъёссэ кулэтэм эн кары.
*а 137:1 учкы: Пс. 96:7
Глава 137
