Bible
Choose Language
Old Testament Books
New Testament Books
ПСАЛТИРЬ
96-тӥ ПСАЛОМ
[Давидлэн крезьгурез; солэн эксэйлыкез кужмояны, юнманы кутскем бере.]
1Кузё-Инмар эксэйын пуке, музъем мед шумпотоз,
пумтэм-йылтэм шормуӵъёс мед шулдыръяськозы.
2Пилем но пеймытлык Солэн котыраз,
шонерлык но суд – Солэн престолэзлэн инъетэз.
3Солэн азьтӥз тыл мынэ но котыр ласянь тушмонъёссэ ӵушка.
4Чилекъямъёсыз дуннеез югдыто – музъем адӟе но куалекъя.
5Быдэс музъемлэн Кузёезлэн Кузё-Инмарлэн азяз
гурезьёс сюсь кадь ӵыжало.
6Со шонерлыко шуыса, инъёс иворто,
вань калыкъёс Солэсь быдӟымлыксэ адӟо.
7Ваньзы, сульдэръёслы йыбыртъясьёс,
идолъёсын ушъяськисьёс, возьытэ мед вуозы.
Вань Кылчинъёс, Со азе йыбырттэ.
8Кузё-Инмаре, Тынад судъёсыд пумысен Сӥон кылыса шумпотэ,
Иудалэн нылъёсыз шулдыръясько.
9Уго Тон, Кузё-Инмаре,
быдэс музъемлэсь вылын, вань инмаръёслэсь*а вылӥе ӝутэмын.
10Кузё-Инмарез яратӥсьёс, уродэз-лекез адӟонтэм каре!
Аслаз быръем адямиосызлэсь лулзэс Со уте,
сьӧлыклэсь кышкасьтэмъёслэн киулысьтызы соосты мозмытэ.
11Шонер улӥсь вылэ югыт пиштэ,
чылкыт сюлэмоос доры шулдыр улон лыктэ.
12Шонер улӥсьёс, Кузё-Инмар бордын шумпотэлэ,
Солэсь дун-чылкыт нимзэ данъялэ.
*а 96:9 учкы: Пс. 49:1
Глава 96
