Bible
Choose Language
Old Testament Books
New Testament Books
ПСАЛТИРЬ
136-тӥ ПСАЛОМ
1Вавилонысь шуръёс дурын, отын ми пукимы но,
Сӥонэз тодамы вайыкумы, бӧрдылӥмы.
2Солэн шораз, бадьёс вылэ арфаосмес ошимы.
3Отысен милемыз пленэ басьтэмъёс кырӟаны косылӥзы,
ӝикатыса возисьёс шулдыръяськыны курылӥзы:
«Сӥон кырӟанъёс пӧлысь кудзэ ке но кырӟалэ».
4Кузё-Инмарлэсь кырӟанзэ мурт музъемын кызьы ми кырӟаломы?
5Иерусалим, мон тонэ вунэтӥ ке, бур киы монэ мед вунэтоз.
6Тонэ тодам ӧй ке вайы,
Иерусалимез шумпотонэлэн самой вылӥяз ӧй ке пукты,
ньылон бордам кылы мед лякиськоз.
7Кузё-Инмаре, Иерусалимлэсь нуналзэ Едом пиослы тодазы вайыты,
уго соос шуылӥзы: «Куашкатэ, выжыозяз сое куашкатэ».
8Вавилонлэн нылыз, таркаса тырттэм кельтӥсь!
Милемлы тае лэсьтэмед понна тыныд пунэмзэ берыктӥсь шудо!
9Шудо, кин кутоз но, из вылэ шуккыса, нуныостэ виёз!
Глава 136
