Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕФЕСЫСЬ ЧЕРКЕН КИВАЛТӤСЬЁСЛЭН ПАВЕЛ АПОСТОЛЭН ЛЮКИСЬКОНЗЫ
Ефесысь черкен кивалтӥсьёс Милитэ Павелэн люкиськыны лыктэм бере, Павел соослы шуиз: «Тӥ тодӥськоды, кызьы мон Кузё-Инмарлы зӥбыт мылкыдын, трос синву кисьтыса ужай-тырши, иудейёслэн мыным пумит кескич ужъёссы пыр визь сынаськонъёс пӧлын улӥ. Вань калык азьын, коркась корка ветлыса тодытӥ, дышетӥ. Иудейёслы но, мукет калыкъёслы но вералляй Инмар азьын ӧбкельыса сьӧлыкъёслэсь куштӥськон, Кузё-Инмармылы Иисус Христослы оскон сярысь. Табере, Духлэн косонэзлы тэрытскыса, мон Иерусалиме мынӥсько, но уг тодӥськы, мар отын монэн луоз. Монэ пытсэт-жильыет, куректон-кайгуос витё шуыса, Святой Дух вань городъёсын мыным ивортэ. Нош мон номыр шоры но уг учкиськы. Аслэсьтым улонме но уг жаляськы...
Тодӥсько, мон кошкем бере, тӥ пӧлы уллёез жалясьтэм сьӧсь кионъёс пырозы шуыса. Тӥ пӧлысь но потозы сыӵе адямиос, кудъёсыз ӧрекчи дышетонъёссы пыр асьсэ бӧрсьы дышетскисьёсты нуозы... Нокинлэн азвесез но, зарниез но, дӥськутэз но мыным кулэ ӧй вал. Асьтэос тодӥськоды уго, мынам аслам но, монэн ӵош ветлӥсьёслэн но кулэяськонъёсмы понна мынам та киосы ужазы шуыса. Кызьы быгатӥ, озьы мон тӥледлы возьматыны тырши, тӥ но, мон кадь ик, лябъёслы юрттӥськыны, Кузё-Инмарлэсь Иисуслэсь кылъёссэ тодады возьыны кулэ шуыса. Уго Со Ачиз шуиз: “Басьтон сярысь, сётыны умойгес“».
Тае верам бераз, Павел пыдес вылаз султӥз но ваньмыныз ӵош вӧсяськиз. Соку ваньзы бӧрдыны кутскизы; Павелэз ӟыгыръязы, чупазы. Соос Павелэз корабль дорозь ик келязы.
Апостолъёслэн ужъёссы 20:17-38
480 
