Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 20

20-тӥ ЛЮКЕТ

1Бугыръяськон дугдэм бере Павел, дышетскисьёсты ӧтьыса, ӟеч кыл вераса, мылкыдзэс ӝутӥз, соосын люкиськиз но Македонияе кошкиз.2Со шаеръёстӥ ортчыкуз, мылкыдэз ӝутӥсь трос иворъёс калыклы вераса ветлӥз, собере Грецие вуиз.3Отын со куинь толэзь улӥз. Сирияе кошкон азяз иудейёс солы пумит урод уж малпазы, соин сэрен со нош ик Македония пыр мыноно кариськиз.4Сое Асияозь келяса мынӥзы Верияысь Пирлэн пиез Сосипатр, Фессалоникаысь Аристарх но Секунд, Дервияысь Гаий, Тимофей но Асияысь потэмъёс пӧлысь Тихикен Трофим.5Азьпала потыса, соос милемды Троадаын витизы.6Юмал Нянь Сиён праздник бере Филиппыысь ми ву вылтӥ кошкимы но, вить нунал ортчыса, соос доры Троадае вуимы, отын сизьым нунал ӵоже улӥмы.

7Арнялэн нырысетӥ нуналаз дышетскисьёс нянь тӥялтонэ люкаськизы, Павел соосын вераськыса пукиз. Ӵуказеяз кошкыны малпаменыз, со уйшорозь вераськыса-дышетыса улӥз.8Коркалэн бадӟым палаз, милям люкаськон интыямы, трос лампадаос вал.9Павел кема вераськыса улӥз. Укно дурын пукись Евтих нимо одӥг пияш мур умме усем. Со вырӟиз но куинетӥ этажысь ум йылтӥз музэ усиз, ӝутыкузы со кулэмын вал ини.10Нош Павел васькыса со азе пыдес вылаз лэзиськиз но сое ӟыгыртыса шуиз: «Эн куалектэлэ, солэн лулыз бордаз».11Тубыса нянь тӥялтӥз но сое сииз. Кема, куазь сактытозь, со калыкен вераськиз. Собере Павел кошкиз.12Нош пияшез улэпкын дораз вуттӥзы, ваньзы туж шумпотӥзы.

13Кораблен ми Ассае мынӥмы отысь Павелэз бордамы басьтон понна. Уго со милемлы озьы косӥз, нош ачиз пыдын мыныны малпаз.14Ассаысен со милемын пумиськиз, сое бордамы басьтӥмы но собере ми ваньмы Митилинае лыктӥмы.15Ву вылтӥ кошкимы. Вуонояз нуналэ Хиос вӧзы дугдӥмы но Трогиллияын уймес потӥмы, нош ӵуказеяз – Самосэ, мукетаз нуналэ Милитэ вуимы.16Асияын ӝегантэм вылысь Павел малпаз, Ефесэ дугдылытэк, азьлане кошкыны, малы ке шуоно Витьтонэтӥ Нуналэз, кылдэм ке, Иерусалимын пумитан вылысь со дыртӥз.

17Милитын улыкумы, Ефесэ со черклэсь пресвитеръёссэ ӧтьыны ыстӥз.18Нош соос татчы вуэм бере Павел соослы шуиз: «Тӥ тодӥськоды, кызьы мон Асияе вуэм дырысеным, нырысетӥ нуналысеныз та дырозь ялан тӥледын огазьын вал.19Кузё-Инмарлы зӥбыт мылкыдын, трос синву кисьтыса ужай-тырши, иудейёслэн мыным пумит кескич ужъёссы пыр визь сынаськонъёс пӧлын улӥ.20Тодӥськоды, тӥледлы пайда вайисьсэ номыре но мон вератэк ӧй кельты. Вань калык азьын, коркась корка ветлыса тодытӥ, дышетӥ.21Иудейёслы но, мукет калыкъёслы но вералляй Инмар азьын ӧпкельыса сьӧлыкъёслэсь куштӥськон, Кузё-Инмармылы Иисус Христослы оскон сярысь.22Табере Духлэн косонэзлы тэрытскыса, мон Иерусалиме мынӥсько, но уг тодӥськы, мар отын монэн луоз.23Монэ пытсэт-жильыет, куректон-кайгуос витё шуыса, Святой Дух вань городъёсын мыным ивортэ.24Нош мон номыр шоры но уг учкиськы. Аслэсьтым улонме но уг жаляськы, – только аслэсьтым улон сюресме ӟечкын йылпумъяны но Кузё-Инмармылэсь Иисуслэсь мыным сётэм ужзэ – Инмарлэн гажан-жалянэз сярысь Ӟеч Ивор тодытонэз – калык доры вуттыны мед быгатысал, мед вуысал.

25Мон тодӥсько: ваньды тӥ, кинъёс пӧлтӥ мон Инмар Эксэйлык сярысь тодытыса ветлӥ, мынэсьтым ымнырме уд ни адӟелэ.26Соин ик туннэ нуналын тӥледлы ивортӥсько: быронэ мынӥсьёслэн азьпал адӟонзы понна мон янгыш ӧвӧл.27Мон уго номыре ватытэк Инмарлэсь вань эриксэ тӥледлы тодытӥ.28Асьтэдыз но, быдэс уллёез но чаклалэ-уте. Та уже тӥледыз Святой Дух, возьмаськись карыса, Инмарлэсь Черксэ утьыны пуктӥз, сое Кузё-Инмар Иисус Аслаз вирыныз Аслыз басьтӥз.29Мон тодӥсько, мон кошкем бере тӥ пӧлы уллёез жалясьтэм сьӧсь кионъёс пырозы шуыса.30Тӥ пӧлысь но потозы сыӵе адямиос, кудъёсыз ӧрекчи дышетонъёссы пыр асьсэ бӧрсьы дышетскисьёсты нуозы.31Соин ик сак улэлэ, тодады возе, кызьы мон куинь ар ӵоже уй но нунал дугдылытэк синкылиен тӥ пӧлысь котькуддэс дышетылӥ-валэктылӥ.

32Али тӥледыз, агай-вынъёсы, Инмарлэн кияз сётӥсько, Солэн гажан-жалянэзлэн кылыз кие сётыса кельтӥсько. Со тӥледыз золгес юнматыны но вань дун-сьӧлыктэм карем муртъёсын ӵош тӥледлы люкет сётыны быгатэ.33Нокинлэн азвесез но, зарниез но, дӥськутэз но мыным кулэ ӧй вал.34Асьтэос тодӥськоды уго, мынам аслам но, монэн ӵош ветлӥсьёслэн но кулэяськонъёсмы понна мынам та киосы ужазы шуыса.35Кызьы быгатӥ, озьы мон тӥледлы возьматыны тырши, тӥ но, мон кадь ик, лябъёслы юрттӥськыны, Кузё-Инмарлэсь Иисуслэсь кылъёссэ тодады возьыны кулэ шуыса. Уго Со Ачиз шуиз: ”Басьтон сярысь, сётыны умойгес”».36Тае верам бераз Павел пыдес вылаз султӥз но ваньмыныз ӵош вӧсяськиз.37Соку ваньзы бӧрдыны кутскизы, Павелэз ӟыгыръязы, чупазы.38Уката ик солэн «мынэсьтым ымнырме ноку но уд ни адӟелэ» шуэм кылыз соосты ӝоже уськытӥз. Соос Павелэз корабль дорозь келязы.


предыдущая глава Глава 20 следующая глава