Выбрать язык
Выбрать рассказ Ветхого Завета
Выбрать рассказ Нового Завета
ангел – Ангелат хоԓыя тураман уԓԓат, Турам партам щиран верԓат па тухаԓ порайн Турам эԓты хоята айкеԓ туԓат.
апостол – грек ёх ясаӈ, ”айкеԓ пиԓан китам хоят”. Там Библия потрат нэпекан апостолат – Иисус 12 вера утаԓтаты ёх.
вера утаԓтаты хоят (ученик (Иисуса)) – Иисус āув пуӈԓаԓан вера утаԓтаты ёх актас. Щитат эԓты āув 12 хоят ус, щитат хоԓна апостолата айԓсайт.
Геннисарет ԓор (ищиты Галилей ԓор) (Геннисаретское озеро, Галилейское озеро, Галилейское море) – щит ун ԓор Палестина мув овас мув пелкаԓан.
Голгофа – хоят сāрма пайтты таха Иерусалим вош кимпийн.
Евангелие – грек ёх ясаӈ ”евангелие”, щит ям, сама рахты, амтаӈ айкеԓ. Емаӈ Нэпекан (Библияйн) Евангелията айԓԓайт Иисус Христос уԓты вер эԓты ястаты потрат. Библияйн Иисус уԓты вер эԓты няԓ нэпек: Евангелие Матфей ястам щиран, Евангелие Марк ястам щиран, Евангелие Лука ястам щиран па Евангелие Иоанн ястам щиран.
емаӈ (святой) – мет емаӈ – щит Турам.
Емаӈ āыԓ (Святой Дух) – Турам āыԓ. Муй Емаӈ āыԓ верас(па хоԓна вераԓ) ԓуӈтаты 94-мет страницайн.
емаӈ хот (храм) – Иисус уԓам порайн еврей ёх ун емаӈ кев хот Иерусалим вошан, хота пойкащса, ишакса, арыса па Турам пеԓа порыԓыса.
Иерусалим вош – мет ун вош Палестина муван (щит, Израиль муван) Иисус уԓам порайн.
Илия – Турам ясаӈ туты хоят (пророк), ԓув Израиль муван 9-мет векан Иисус сэма питам еԓпийн Турам ясаӈ тус.
Иордан ёхан – мет ун ас Палестина муван.
иудеят – еврей ёх.
йиӈка ԓоӈаԓтаты (крестить в воде) – 68-мет страница ԓуӈта.
карэк (грех) – карэк верты, щит Турам пāртам ясӈат щиран ăт уԓты.
Куща (Господь) – щиты Библияйн Турам па Иисус Христос айԓԓа.
Куща Турам (Господь Бог)
Мессия – ванта ясаӈ Христос.
мир хот (совет, синедрион) – иудеят мет воԓаӈ сутытты таха, мир ёх верат нумасты таха па емаӈ верат нумасты таха Иисус уԓам порайн. Щита усат 70 хоят: поп икет, Турам закона утаԓтаты хоятат па тащаӈ воԓаӈ рут хоятат.
Моисей – израиль мир ёх религия верат па политика верат ох ху. Пāртам ясӈат (заповеди) Турам Моисея масԓы, ԓув, еша уԓман, щи пāртам ясӈат израиль ёха масԓы. Моисей 16-15-мет векӈанан Иисус Христос сэма питам еԓпийн ус.
нох пайтты (спасти) – Щи ясаӈ Библияйн: (1.) ”атам верат па карэк эԓты нох пайтты”, па (2.) ”муш эԓты ямаԓты”. Хун Иисус хоят нох пайтԓаԓԓы, щи вераԓ иса щи хоята хойԓ, ԓув ԓыпи ԓыԓаԓа па эԓаԓа, па шавиԓԓы ԓувеԓ Турам сут эԓты (щит: Турам ԓув карэкаԓ ёрэмаԓԓы па ăт питаԓ карэк ураӈан сутытты).
Нох Пайтты От (Спаситель) – ванта ясаӈ Хоятат Нох Пайтты От.
Пасха – Пасха емаӈ хатаԓан иудеят (еврей ёх) нумасман усат, хоты Турам ԓувиԓаԓ ԓаварт рупата эԓты египет мир эԓты нох пайтсаԓԓы. Хойтат эваԓԓат Иисуса Христоса (христиан ёх) Пасха емаӈ хатаԓан нумасман уԓԓат, хоты Иисус сāрам эԓты нох питас па щиты ԓувиԓаԓ карэкат эԓты нох пайтсаԓԓы па хоԓна нох пайтԓаԓԓы.
перная сэӈкты (распять) – ун, хоят ԓāват, перна юха карԓукатан сэӈкты. Рим ёх щиты ар сутытам ёх сāрма пайтсат.
поп икет (священники) – Поп икет Иерусалим вошан емаӈ хотан порыԓысат па мир ураӈан Турам пеԓа пойкащсат. Щиты Иисус уԓам порайн ус.
Рим хон мув (Римская империя) – Мув кутап щарс (Средиземное море) кератман Иисус порайн Рим хон мув ус. Щи хон мув 63 таԓан Христос сэма питам еԓпийн Палестина мув лялясман ёша пайтас. – Рим – Рим хон мув воԓаӈ вош.
сатана – Турам вурак па лик туты от, щит эваԓты хоятат потарман вунавта пайтаԓ па ԓувиԓаԓ торастыйԓ па Турам Ям айкеԓ туты вер торастыйԓ. Хоят рут вурак. Иса атам ликаӈ ԓыԓат куща.
Турам (Бог) – Турам Ащи.
Турам закон – ванта ясаӈ Турам пāртам ясӈат.
Турам āыԓ (Дух Божий) – Емаӈ āыԓ.
Турам пāртам ясӈат (заповеди, Божие заповеди) – Турам Моисея пāртам ясӈат масԓы, ԓув па пāртам ясӈат израиль ёха масԓы. Иса Турам пāртам ясӈат израиль ёха, щит ”Турам закон”.
Турам ясаӈ туты хоят (пророк) – ԓув хуԓаԓ, вантаԓ Турам ясӈат па щи ясӈат хоята (хоятата) потарԓаԓԓы.
Хоятат Нох Пайтты От (Спаситель) – щит Иисус Христос.
Христос – Грек ёх ясаӈан ”Христос” па еврей ёх ясаӈан ”Мессия” – ”Нёсытам От” (Помазанник). Израиль муван хонат хона питты кеша охԓаԓ оливка вāйн нёсатсайт. Иисус – Христос, āувеԓ Тураман китса муӈев карэк эԓты нох пайтты па муӈ хощаев хона уԓты.
шаббат хатаԓ (суббота) – еврей ёх хатаԓ нэпекан ԓапат ԓапатмет хатаԓ. Емаӈ щутщаты хатаԓ – щи хатаԓан рупитты воԓԓы ăт эсаԓса.
Ям айкеԓ (благая весть) – ванта ясаӈ Евангелие.
96
