Выбрать язык
Выбрать рассказ Ветхого Завета
Выбрать рассказ Нового Завета
Сāрăм эԓты нох питам Христос няԓъяӈ хатаԓ хуват āув вера утаԓтаты ёхԓаԓ ещаԓт этԓыйс*а па ԓувиԓаԓ Турам Хон эԓты потартас. Мет ёԓта, вера утаԓтаты ёхԓаԓ акатман, āув ԓувиԓаԓа партас: ”Иса юр*б тураман па муван Манэма мийман уԓԓа. Щит ураӈан манаты па иса хоятат вераԓан Ма вера утаԓтаты ёхԓама. Туп Иерусалим вош āԓ хаяԓан, Емаӈ ā ы ԓ¹, маты Турам Ащи¹ нынан ясаӈ мас матыя, ёхатты вер ԓавԓаты, па щи Емаӈ āыԓ эԓты Ма нынан ястасам. Иоанн нынан йиӈка ԓоӈаԓтасԓы*в, па каматса хатаԓ юпийн нын Емаӈ āыԓа ԓоӈаԓтаԓайты¹. Хун нын ԓыпиԓана Емаӈ āыԓ питаԓ, нын юр мощатԓаты па питԓаты Иерусалим вошан Ма эԓтэм потартты, иса Иудей мув хуват, Самарий мув хуват па иса муват хуват Ма эԓтэм потартты.
Щи ясӈат юпийн Иисус Христос вера утаԓтаты ёх сэм ватман турма нох питас пайтастыя па паԓаӈан āув нох туса па лап петса ёх сэмат эԓты. Па хун ёх турам пеԓа нохԓы ватсат, и кеман ԓув пуӈԓэԓан кат хоят иса нови сохан ԓуматԓыман ԓойсаӈан. āын ястасӈан: ”Муй нын ԓойԓаты па турма ватԓаты? Иисус, маты нын эԓтан турма уса, ёхԓы ёхатаԓ воԓԓы щиты, хоты āув ин манас.”
Аматман вера утаԓтаты ёх Иерусалим воша ёхԓы ёхатсат, па щи хатаԓ эԓты кашаӈ хатаԓ емаӈ хотан уԓԓисат па ишак ясӈат Турма ястасат. Хоты Иисус ясаӈ мас, вера утаԓтаты ёх и кеман и хатаԓан ԓыпиԓаԓан Емаӈ āыԓ воԓԓы питас па щи юпийн ԓув матсат па питсат потартты иса ёха иса тахайн ям айкеԓ*г Иисус эԓты. Там щит – ям айкеԓ: кашӈ, хой Турам Поха, Иисуса, эваԓты питаԓ, Турам карэкат эԓты нох пайтаԓ – па хоят сāрма питтаԓ юпийн ԓувеԓа век кеша уԓапса¹ маԓ.
Матфей 28:18-20; Марк 16:15-20;
Апостолат верат 1:3-11; Иоанн 3:16
*а ещаԓт этԓыты – здесь: являться (становиться видным)
*б юр – здесь: власть
*в Иоанн нынан йиӈка ԓоӈаԓтасԓы – потар 68-мет страницайн ԓуӈта.
*г ям айкеԓ – благая весть, хорошая новость (евангелие)
94 