Выбрать язык
Выбрать рассказ Ветхого Завета
Выбрать рассказ Нового Завета
Хун нэӈат матсат вера утаԓтаты ёх хоща Иисус сāрăм эԓты нох питам вер эԓты потартты, икеман Иисус нэӈат юшан уйтантас па ястас: ”Ям номас нынан!” Нэӈат ванамасат, Иисус кy̆рӈан апаԓсат па āувеԓ ох потсат. Иисус ԓувиԓаԓ ястас: ”Āԓ паԓаты. Манаты па ястаты Ма вера утаԓтаты ёхԓама – Ма ԓухасԓама, ԓув Галилей мува āт манԓат, щита ԓув Манэм шияԓаԓат.”
Етан вера утаԓтаты ёх Иерусалим вошан и хотан яха усат, па и кеман Иисус ԓув кутэԓан ԓойс па ястас: ”Ям номас нынан.” Вера утаԓтаты ёх шек паԓтамаман нумассат – щит исхор¹. Иисус ԓувиԓаԓ ястас: ”Муй па нын щиты паԓтамасты? Муя нын ăт эваԓԓаты? Вантаты Ма ёшӈаԓам пеԓа па Ма кy̆рӈаԓам пеԓа. Тами Ма! Манэм кетмияԓан па вантаԓан. Исхор эԓ ԓов ăт тайԓ па Ма, хоты ватԓаты, щит тайԓам.” Туп вера утаԓтаты ёх аматман па хоԓна ăт эваԓман, āув пеԓеԓа ватсат. Щиты ки Иисус ԓувиԓаԓ инщасас: ”Нын моԓты ԓэты тайԓаты?” Ёх āувеԓ тутан паԓыйм хуԓ тусат. Иисус щит ус па ԓув ещаԓтэԓ ԓэс.
Юхатшак Иисус яԓпа āув вера утаԓтаты ёхԓаԓ хоща Геннисарет ԓор пуӈаԓа ёхтас. Щи вер тамиты ус: Петра па каматса вера утаԓтаты ёх ԓоран хуԓ мощатты учисат, туп щи атан нэмаԓты ăт мощатсат. Воԓԓы аԓаӈ Иисус ԓор питаран ԓойс, туп вера утаԓтаты ёхԓаԓан āув ăт моштаса¹. Иисус ԓувиԓаԓ вохас: ”Пиԓ ёхат, моԓты ԓэтот тайԓаты муй?” Ёх ястас: ”Антом.” Иисус ԓувиԓаԓ ястас: ”Хоԓап хоп ям пелак эԓты вощкаты па мощатԓаты.” Ёх хоԓап вощкасат па щи арат хуԓ мощатсат, хоԓап нох таԓты ăт верытсат. И вера утаԓтаты ху ястас: ”Тами Иисус!” Хун ёх уты охаԓсат, ԓув рат хар шияԓасат, па рат харан тут лаваман¹ хуԓ па нянь паԓассат. Иисус ёха ястас: ”Туваты хоԓна хуԓ.” Петра хопа манас па хоԓап уты таԓас. Хоԓпан 153 ун хуԓ ус, хуԓ куш шек ар ус, хоԓап ăт тохас. Иисус ёха ястас: ”Юваты ты па ԓэваты.” Иисус ԓувиԓаԓа нянь па хуԓ мас. Щит Иисус хуԓмет пуш āув вера утаԓтаты ёхԓаԓ хоща ёхтас сāрăм эԓты нох питмаԓ юпи эԓты.
Матфей 28:9-10; Лука 24:36-43; Иоанн 21:1-17
92 