Выбрать язык
Выбрать рассказ Ветхого Завета
Выбрать рассказ Нового Завета
Шаббат хатаԓ юпийн, воԓԓы аԓаӈсахат шек ун мув таратыты вер¹ ус: турам эԓты ангел эсԓасас, сāрăм лот пуӈԓа ёхтас па ун кев шуп кев ус эԓты еԓ пайтсаԓы. Щи кеман Иисус Христос ԓыԓӈа йис па сāрăм лотаԓ хайсаԓы! Ангел похал нёԓ*а хорпи ус, ԓув сохԓаԓ ворлисат па ԓонщ хорпи новет усат. Сāрăм лот шавиям ляль ёх ангел шияԓаман паԓтап эԓты тарыман¹ мува сāрма питам отат иты ракатсат. Охԓаԓ нох аԓмеԓ юпийн хой ляль ёх воша матсат па поп икет ун кущаята иса вер эԓты потартсат. Поп икет ун кущайт мир ёх кущайт¹ пиԓан кут кутэԓан потартсат па кум версат*б. Иисус шавийм ляль ёхата ар ох сохаптасат па ястасат: ”Иса хоятата тамиты ястаты: ”Иисус вера утаԓтам ёхԓаԓ атаԓан ёхатсат па Иисус эԓ муӈ оԓмев кеман ԓоԓапсэԓ.” Ляль ёх ох усат па иса щиты версэԓ, хоты ястасайт.
Щи хатаԓан аԓаӈсахат кеман хуԓам вера утаԓтаты нэ Иисус сāрăм лота матсат. āув тусат ям эпаԓ тайты вāй Иисус эԓ нёсытты кеша. Юш хуват манман ԓув потартсат, хойн ун кев шуп кев ус эԓты еԓ вōртԓа*в. Кев шуп шек ун ус. Туп хун ёхатсат, ԓув ангел шияԓасат. ”Āԓ паԓаты! – ангел ԓувиԓаԓ ястас. – Нын перная сэӈкам Иисус каншԓаты. āув тата антом. āув сāрăм эԓты нох питас! Тāммуй лот, хота āув оԓас. Па ин нын манаты па Иисус вера утаԓтаты ёхԓаԓа ястаԓан, ā ув сāрăм эԓты нох питас па нын пиԓанан Галилей муван уйтантаԓ, āув тохи оԓӈашак ёхатаԓ.”
Сāрăм лот эԓты нэӈат паԓтамаман матсат, туп аматман ищи кеман. āув сора хухаԓмасат Иисус вера утаԓтаты ёх хоща иса вер эԓты потартты.
Матвей 28:1-8, 11-15; Марк 16:1-7, 9; Лука 24:1-7
*а похал нёԓ – молния
*б кум верты – решить между собой
*в еԓ вōртты – здесь: отодвинуть
90 