Выбрать язык
Выбрать рассказ Ветхого Завета
Выбрать рассказ Нового Завета
Хун Иисус сāрма питас, ԓапат хутмет хатаԓ ус (пятница). Иудей ёх¹ Пилат хоща матсат инщасты, рахаԓ муй перная сэӈкам отат перна эԓты иԓ уты, ԓуԓан сāрма питам отат эԓԓаԓ пернайн емаӈ хатаԓа ăтăт хащсат. Щи шаббат хатаԓ (суббота) воԓаӈ емаӈ хатԓа ус. Пилатан эсаԓсайт сāрма питам отат перна эԓты иԓ уты. Ляль ёхат кат хорахщи шāнш иԓпи кy̆р ԓāват*а шy̆катсат, ԓуԓан ԓув сорая сāрма āт питсат. Туп ԓув ватсэԓ, Иисус сāрма питман уԓ, па ăт питсэԓ āув шāнш иԓпи кy̆р ԓāвԓаԓ шy̆катты. И ляль хоятан туп карты ԓук ющан¹ Иисус меваԓ ԓāвԓаԓ¹ кутан поткасԓы, па мушаӈ тахайԓ эԓты y̆р па йиӈк мохты айкеман шошмийс.
Щи юпийн мир хота¹ пирийм¹ шек тащаӈ па ям Иосиф ху Аримафей вош эԓты Пилат хоща ёхтас. āув ищи Иисус вера утаԓтаты хоята ус. Иосиф Пилат эԓты инщассаԓы Иисус эԓ сāрăм лота понты кеша, па Пилатан эсаԓса. Па Иосиф Иисус эԓ перна эԓты иԓ усԓы. Ищиты мир хота пирийм Никодим нэмпи хоят ёхтас, па ям эпаԓ тайты вāй пиԓан ям щашкана Иисус эԓ ёварсаԓан. Щиты иудей ёх щиран сāрма питам хоят ԓэщатса. Хота Иисус перная сэӈкса, щита сад ус, па сад хоща – кев ур ԓыпийн парам хоят кеша там ванан верам лот*б ус. Иосиф па Никодим щи Иисус эԓ потсаӈан. Па кев ус ун кев шупан лап пайтсаԓан.
Шаббат хатаԓан поп икет ун кущайт па па кущайт Пилат хоща ёхатсат па Иисус эԓты ԓувеԓ ястасат: ”Куща! Муӈ нумаԓмасэв, щи олмащиты отэн¹ ястыԓыйс: ”Хуԓам хатаԓ юпийн сāрăм эԓты нох питԓам¹.” Щит ураӈан пāрта, сāрăм лотаԓ хуԓам хатаԓ āт шавиԓа. āув вера утаԓтаты ёхԓаԓ верытԓат ёхатты, эԓ нох ԓоԓамты па щаха ястаты, Иисус сāрăм эԓты нох питас.” Пилат ястас: ”Уяты ляль ёх шавиты, па сāрăм лот хоты верытԓаты, щиты шавияԓан.” āув щиты версат.
Матфей 27:57-66; Лука 23:50-51; Иоанн 19:31-42
*а шāнш иԓпи кy̆р ԓāв – голень (от колена до ступни)
*б кев ур ԓыпийн парам хоят кеша верам лот – в скале высеченная пещера для погребения
88 