Выбрать язык
Выбрать рассказ Ветхого Завета
Выбрать рассказ Нового Завета
Аԓаӈсахат поп икет ун кущайт па мир ёх кущайт¹ актащсат па номас версат: Иисус сāрма пайтты¹ мосаԓ. āув Иисус ярсэԓ па Понтий Пилат хоща тусэԓ, Пилат – Рим хонан Иудей мува китам куща. Пилат Иисус яма инщассаԓы, поп икет ун кущаята, мир ёх кущаята, мир ёха ястас: ”Ма Там Хоят хоща нэмаԓты вунавт ăт уйтсам, ма āувеԓ эсаԓԓэм.” Туп хоԓыя и туран уваԓсат: ”Сāрăм¹ āувеԓ!” Туп Пилатан эсаԓты учиса па щит ураӈан ипуш пā ԓувиԓаԓ инщасас. Мир ёх еԓԓы увсат: ”Перная āувеԓ сэӈкты! Перная āувеԓ сэӈкты!” Па Пилат Иисус масԓы перная сэӈкты.
Рим мув ляль ёх атам няхан няхсат па Иисус сэӈксат, па каман щиран атмащ няхмеԓ юпийн ԓув Иисус перная сэӈкты тусэԓ. Иисус пиԓан сāрма пайтты кат хорахщи¹ туса. Пернайԓ тувман Иисус хоятат сāрма пайтты тахая манас, щит Голгофа тахая аяԓса. Щита Иисус па кат хорахщи перная сэӈксайт. Пилат Иисус пернайн ох нумпеԓан хашты партас, муя ā ув сутытса: ”Иисус Назарет вош эԓты, иудей ёх Хон”. Иисус туп ястас: ”Ащи, ԓув вунавтэԓ āԓ нуми, ԓув ăт уйтԓат, муй ин верԓат.”
Щи юпийн ляль ёх питсат Иисус сохԓаԓ ԓув кутэԓан ортты. Щи таха пуӈаԓан манман, хой ёх атма няхман Иисуса ястасат: ”Наӈ Турам Пох ки, перна эԓты охԓа!” Хатаԓ кутап кеман иса мув патлама йис. Патлам ус хуԓам щёс кем унты. Щи юпийн Иисус сыйӈ туран увас: ”Ма Турмем, Ма Турмем! Муя Наӈ Манэм хайсэн?” Иисус хоԓна ястас: ”Ма иса ям верԓам версаԓам!” Щи юпийн āув такан ястас: ”Ащи! Ма Наӈ ёшӈаԓана Ма ԓыԓэм маԓам!” Щит ястаман, Иисус ԓыԓаԓ эсԓас*а.
Воԓԓы щи кеман емаӈ хотан ԓыпи ов лап тахарты кул сох¹ катна тохмас, нумаԓта иԓ унты, па мув таратас, па ун кеват лакки питсат*в. Хун Рим мув сот соԓтан куща па щитат, хой ԓув пиԓаԓан Иисус шависат, шияԓасат, муй вер питас, шек паԓтамасат па ястасат: ”Воԓԓы вещката āув Турам Пох ус!”
Матфей 27:1-56; Лука 22:66 - 23:49; Иоанн 18:28 - 19:37
*а ԓыԓаԓ эсԓас – испустил дух, т.е. умер
*б шāнш иԓпи кy̆р ԓāв – голень (от колена до ступни)
86 