Выбрать язык
Выбрать рассказ Ветхого Завета
Выбрать рассказ Нового Завета
Воԓԓы щи атан, етан ԓэвам вер юпийн, Иисус ихощьяӈ вера утаԓтаты ёхԓаԓ пиԓан Иерусалим вош¹ эԓты этас па Гефсимания тахая ёхтас, щит вош пуӈаԓан. Иисус āув вера утаԓтаты ёхԓаԓ пиԓан сада ԓоӈас па ԓувиԓаԓ ястас: ”Тата хащаты, па Ма щи кеман еԓшак манԓам, пойкащԓам.” āув патан¹ Петра, Иаков па Иоанн ус. Иисус шукащ сама питас. āув ёхԓаԓа ястас: ”Ма ԓыпем сāрма питты унты*а шукаща питас. Тата еша ронаты, Ма ăт оԓтэм унты āԓ оԓаты.”
Иисус ԓувиԓаԓ эԓты еша еԓшак манас, шāнша ракнас¹ па Турма пойкащты питас: ”Ащи, рахаԓ ки там воԓԓы шукащ вер Ма эԓтэм еԓан āт манаԓ*б, туп иса ăтăт¹ щиты питаԓ, хоты Ма ԓаӈхаԓайм, туп хоты Наӈ ԓаӈхаԓайн.” Турам эԓты Иисус хоща ангел ёхтас па āувеԓ ястас, ăтăт паԓас. Шукащман Иисус мет таканшак пойкащты питас, па āув эԓ йиӈкаԓ¹ y̆р хорпия ювман, мува питас. Хун āув вера утаԓтаты ёхԓаԓ хоща ёхтас, ԓувиԓаԓ оԓман уйтсаԓы. Иисус ԓувиԓаԓ нох куртсаԓы па ястас: ”Муя нын оԓԓаты? Нох ԓояты па пойкащаты!”
Щи кеман ар хоят ԓув хощаеԓ ванамтас, па оԓӈа Иуда йис – Иисус вера утаԓтаты хоятаԓ. āув Иисус хоща ванамтас па āувеԓ мосаԓтасԓы. Иисусан инщасса: ”Иуда, наӈ муй, мосаԓтапсаенан Манэм вураката маԓэн?” Щи порайн и вера утаԓтаты ху аԓты кешеԓ¹ нох аԓэмасԓы па и ёхтам хоят хоща и паԓаԓ сэвармас. Щи хоят поп икет ун куща¹ митхуя ус. Туп Иисус щи митху яматсаԓы. Щи юпийн āув щитата, хой āувеԓ уты ёхатсат, ястас: ”Ма муй хорахщи¹, ты ёхатсаты аԓты кешет па хув юх шупат пиԓан? Ма кашӈ хатаԓ нын пиԓанан емаӈ хотан¹ усам па нын Ма пиԓэман нэмаԓты ăт версаԓан. Туп ин нын пора щёсан, ин куща – патлам юр: сатана.”
Ёхтам отатан Иисус мощатса па поп икет ун куща хота туса.
Матфей 26:30-57; Лука 22:39-65
*а сāрма питты унты – здесь: смертельно
*б там воԓԓы шукащ вер Ма эԓтэм еԓан āт манаԓ – пусть это страдание обойдет Меня
84 