Выбрать язык
Выбрать рассказ Ветхого Завета
Выбрать рассказ Нового Завета
Хун Пасха емаӈ хатԓат ёхатсат, Иисус Иерусалим воша Петра па Иоанн китас. Иисус ԓувеӈаԓа ястас: ”Манатан па муӈ кешаев ԓэщататан пасха емаӈ хатаԓ ԓэты вер.” ”Хоты ԓаӈхаԓайн, хāта ԓэты пасан ԓэщатты?” – вера утаԓтаты ёхӈаԓанан инщасса. Иисус ёхԓы ястас: ”Хун нын воша ԓоӈԓатан, сухта путан*б йиӈк туты ики шияԓаԓтан. āув пиԓаԓан манатан хōта, хоԓта ԓув ԓоӈаԓ. Щи хот куща нынан ун хот ят нуман этаԓтаԓ, щита ԓэтот ԓэщатаԓан.” āын матсаӈан, иса щиты уйтсаӈан, хоты ԓынан Иисус ястас па пасха етан ԓэты вер ԓэщатсаӈан.
Хун пора ёхтас, Иисус вера утаԓтаты ёхԓаԓ пиԓан етан ԓэтыя питсат. Иисус ԓувиԓаԓа ястас: ”Ма шек ԓаӈхасайм там пасха етан ԓэты вер нын пиԓанан ԓэты шукащты верԓам*в еԓпийн.” Иисус y̆на ан ус, пойкащман пумащипа Турма ястас па вера утаԓтаты ёхԓаԓа ястас: ”Уяты там y̆на ан па ан эԓты кашӈ хоят инщаты.”
Щи юпийн Иисус нянь ус, пойкащман пумащипа Турма ястас, нянь морытас па вера утаԓтаты ёхԓаԓа ястас: ”Тами Ма Эԓэм, ԓэваты. ā ув нын урӈанан маԓа*г. Хун нын там нянь ԓэты питԓаты – Манэм нуматы.” Етан ԓэты вер юпийн āув y̆на ан ус па ястас: ”Там y̆на ан – Тураман Ма Ўрэман Верам Яԓап Ясаӈ*д, щи Ўр нын урӈанан шошамԓа*е.”
Етан ԓэты порайн Иисус ястас вера утаԓтаты ёхԓаԓа, āув там ванан суд кеша катаԓԓа па сāрма пайтԓа па ит вера утаԓтаты ёхԓаԓ эԓты āувеԓ вураката¹ маԓ. Туп вера утаԓтаты ёхԓаԓан āув ясаӈԓаԓ āша ăт пайтсайт¹.
Лука 22:1, 7-23; Иоанн 13:4-35
*а Пасха емаӈ хатаԓ – праздник Пасхи, словарь ванта.
*б сухта пут – глиняная посуда
*в шукащты вер – здесь: страдание
*г āув нын урӈанан маԓа – Оно (тело Иисуса) отдаётся за вас (на смерть)
*д Тураман Верам Яԓап Ясаӈ – (Новый Завет), Новый договор, заключённый Богом (с людьми). Договор начал действовать тогда, когда Иисус Христос пролил свою кровь на кресте; Чаша с вином представляет собой кровь Иисуса.
*е нын урӈанан шошамԓа – за вас будет пролита
82 