Выбрать язык
Выбрать рассказ Ветхого Завета
Выбрать рассказ Нового Завета
Иисус Капернаум вошан уԓты питас, щи вош Геннисарет ԓор*б пуӈаԓан уԓ. Иисус хоятата потарты питас: ”Карэкԓан эԓты еԓ питаты, Турам Хон*в ванан.” Иисус юпийн шек ар хоят йис, па āув ԓувиԓаԓ утаԓтас па мушаӈ ёх мушԓаԓ эԓты нох пайтас.
Ипуш Иисус Геннисарет ԓор питаран ԓойс. Мохет āув пуӈԓаԓан шек ванан ԓойты ԓаӈхасайт, ԓуԓан яма хуԓатты, муй ā ув потартаԓ. āор питаран кат хопӈан омассаӈан, па хуԓ веԓты ёх хоԓапԓаԓ йиӈкан сыстапсат. Иисус и хопа ԓэԓас па хоп куща¹ Симон пāртсаԓы ԓора еԓшак манты. Иисус мохетхоп эԓты утаԓтас. Хун āув потарты етшас, āув Симона ястас: ”Мăԓ тахая хопан мана, па щита хоԓпат мохет пиԓан вощка.” Симон ёхԓы ястас: ”Утаԓтаты Ху, муӈ таԓаӈ ат рупитсув па нэмаԓты ăт мощатсув, туп ма верԓам щиты, хоты Наӈ ястаԓан.”
ā ув хоԓпат вощкасат па щи арат хуԓ мощатсат, хоԓпат тохты питсат. āув ԓухасԓаԓ нётты вохсат па ияха кат хоп щиты тэкнапсат, па хопӈан шуйԓаты питсаӈан. Симон, ԓув хоԓна Петрая аяԓԓа, Иисус курӈан хоща ракнас па ястас: ”Куща¹, ма карэкаӈ!” Петра, Иаков па Иоанн, ԓув ԓухасӈаԓаԓ, па па хуԓ веԓты ёх ун сэма питсат, хун щи арат хуԓ шияԓасат. Туп Иисус Петрая ястас: ”Āԓ паԓа, там пора эԓты наӈ хоят сам мощатты питԓан.” Петра па щитат, хой ԓув пиԓаԓан усат, хопӈаԓаԓ уты таԓсаԓаԓ, катра уԓапсаеԓ хайсэԓ па Иисус хоща вера утаԓтаты ёха питсат.
Матфей 4:12-17, 23-25; Лука 5:1-11
*а вера утаԓтаты ёх – ученики (Иисуса)
*б Геннисарет ԓор (Галилей ԓор) – Геннисаретское озеро, Галилейское озеро, Галилейское море
*в Турам Хон – Царство Небесное, Царство Божие, Царствие Божие
70 