Выбрать язык
Выбрать рассказ Ветхого Завета
Выбрать рассказ Нового Завета
Моԓты кем ар ёх Иисус юпийн яӈхас āувеԓ хуԓатман па ā ув верам воԓаӈ мутрайт¹ ватман. āув ар вера утаԓтаты ёх тайс. Щи ёх эԓты Иисус āувеԓа катхощьяӈ ёх пирийс: Симон Петра, Унтары, Иаков, Иоанн, Филипп, Варфоломей, Фома, Матфей, Иаков – Алфей пох, Фаддей, Симон Кананит па Иуда Искариот – щитэн щаха Иисус вуракат¹ ёша маԓԓы. Там катхощьяӈ ёх хоԓна апостола айԓсайт па ԓув иса Иисус пиԓан усат, па āув ԓувиԓаԓ вера утаԓтас.
Ипуш Иисус кев рэп ԓоӈԓа хуӈхас па щита опсас. āув пуӈԓаԓан вера утаԓтаты ёхԓаԓ ԓойсат, па ванан шек ар хоят ԓойс. Щит, муй āув потартас вера утаԓтаты ёхԓаԓа па па ёхата, Евангелийн¹ ханшман уԓԓа. Щи вещкат потраԓ Кев рэп ԓоӈаԓ вещкат потра*а айԓԓа. Щи потраԓан Иисус Турам Хона юш этаԓтаԓ. Муӈ нэпекеван āув каматса утаԓтаты ясаӈԓаԓ:
”Нын ԓаӈхаԓайты, ԓуԓан па ёх нынан ям версат? Муй нынан умащ? Воԓԓы щит нын па хоятата вераты.”
Матты хоят пеԓа моԓты атам ки верԓан, сора ԓув хощаеԓа мана, вунавт нох уи па ям нопса щи хоятэн пайты. Нынан лик верты хоятат пеԓа ям нопса ки питԓаты*б, нын Турам Ащан ищи нын пеԓайн ям нопса питаԓ. Нын хоятата ԓув карэкԓаԓ ăт ки ёрэмаԓԓан, Турам Ащи нынана нын карэкԓан ăт ёрэмаԓԓы.”
Юхатшак и хоят Иисус инщасас: ”Утаԓтаты Ху! Маты Турам пāртам ясаӈ¹ мет воԓаӈ ясаӈ Турам законан*в?” Иисус ԓувеԓ ястас:
”Турам саменан мет вана рахман таи, иса ԓыпи ԓыԓэнан, иса āшенан. Щит – оԓаӈ па мет воԓаӈ Турам пāртам ясаӈ. Кимет Турам пāртам ясаӈ ищиты воԓаӈ: ”Ван хоят сама рахман таи, хоты наӈ наӈен сама рахман тайԓэн.”
Марк 3:13-19; Матфей 5 - 7; 10:1-4; 22:35-40; Лука 6:12-16
*а Кев рэп ԓоӈаԓ вещкат потар – Нагорная проповедь
*б ям нопса питты – здесь: прощать согрешения
*в Турам закон – закон Божий: совокупность Божьих заповедей и повелений в Библии
72 