Выбрать язык
Выбрать рассказ Ветхого Завета
Выбрать рассказ Нового Завета
Иосиф, Мария па Иисус Няврэм Египет муван хащман усат Ирод хон сāрма питты унты. Щаԓта Тураман китам ангел яԓпа Иосиф уԓама ёхтас па ястас: ”Нох киԓа, Няврэм па āув аӈкеԓ уи па Израиль мува ёхԓы юваты. Щитат, хойтат учисат Пох сāрма пайтты, сāрма питсат.”
Иосиф ангел ясаӈ щиран верас па Израиль мува ёхтас. Хуԓман, муй Иудей муван Ирод пох Архелай хона уԓ, Иосиф паԓас тохи манты. Уԓам сахат уйтман муй верты, Иосиф Галилей мува Назарет воша манас, хота еԓпийн Мария ус.
Иосиф хот верты хоята ус, па Иисус ԓувеԓа нётман, щи вера утаԓтас. Евангелийн*а шек шимаԓ ханшман уԓԓа щи пора эԓты, хун Иисус ай няврэма па уншак поха ус. Туп щит, муй муӈ ԓуӈатԓув, ар щи пора эԓты ястаԓ: ”Няврэм энмас па самаԓан юраӈа па мутраяӈа йис, па Турам самаӈ номас*б āув пиԓаԓан ус.” Иисус āув ащеԓ-аӈкеԓ яма хуԓантас. Евангелийн щит эԓты ԓуӈатԓув: ”Āпа яма ащеԓ-аӈкеԓ хуԓантас.” Турам ԓаӈхаԓ, няврэмат ащиԓаԓ-аӈкиԓаԓ сама рахман āт тайԓат¹ па ԓувиԓаԓ хуԓатԓат. И ясаӈ Турам пāртам яӈ ясӈат эԓты потартаԓ: ”Ащен па аӈкен сама рахман таи, наӈен ям āт ус.”
Матфей 2:19-23; 13:55; Марк 6:3; Лука 2:40, 50-52;
Кимет закон (Второзаконие) 5:16
*а Евангелие – здесь: Те книги Библии, где говорят о жизни Иисуса, называют Евангелиями. Словарь ванта. (Емаӈ Нэпекан (Библияйн) Иисус Христос уԓты вер эԓты ястаты потрат Евангелия аяԓԓайт. Словарь ванта.)
*б Турам самаӈ номас – милость Божья
66 