Выбрать язык
Выбрать рассказ Ветхого Завета
Выбрать рассказ Нового Завета
Иисус сэма питам юпийн Иерусалим воша, щит воԓаӈ вош¹ хон муван, мув хаԓа пелак¹ эԓты мутра ёх ёхатсат. ā ув ястасат: ”Хота туп сэма питам иудеят¹ Хон? Муӈ āув хȳсаԓ ватсэв мув хаԓа пелакан па ёхатсу в āувеԓа ох понты*а.”
Щит хуԓатман, Ирод хон паԓтамас, яма Библия уйтты āшаӈ ёх вохсаԓы па ԓувиԓаԓ инщасас: ”Хота Библия хуват Христос*б сэма питты вераԓ уԓ?” āшаӈ ёх ястаԓат: ”Вифлеем вошан, Иудей муван. Щи вер Турам ясаӈ туты хоят Нэпекан*в хув эԓты ханшман уԓԓа.” Щи юпийн Ирод ёхтам мутра ёх вохсаԓы, ԓувиԓаԓ яма инщассаԓы па воԓԓы яма уйтсаԓы, хун яԓап хȳс этас. Щаԓта ԓув Вифлеем воша ԓувиԓаԓ китсаԓы па ястас: ”Манаты па воԓԓы яма ай Няврэм эԓты уйтаты. Хун āувеԓ уйтԓаԓан, манэм потартаты, ԓуԓан ма ищи верытсам манты па āувеԓ ох понты.” Яна щиран, Ирод хон номас ус Няврэм сāрма пайтты, паԓас, пора кеман Няврэм хона питаԓ.
Мутра ёх Няврэм уйтсэԓ, āувеԓ ох потсат мув унты па ā увеԓ тынаӈ мойԓапсайт масат. Туп оԓмеԓ порайн, уԓаман, мутра ёха ястаса ёхԓы Ирод хоща ăт ёхатты, па щи ураӈан мутра ёх ԓув уԓты мувеԓа па юш хуват матсат. Щи эԓты уйтман, Ирод хон шек ликащас. Ляль ёхԓаԓ Вифлеем воша па вош ван мувата китсаԓы. āув пāртсаԓы иса кат таԓ ԓāват похат сāрма пайтты. Няврэм таԓ ԓув мутра ёхат ясӈат эԓты моштасԓы. Ирод хон ляль ёхԓаԓ Вифлеем воша ёхатсат па вунавтԓы ай похат сāрма пайтсаԓаԓ.
Туп сāрма пайтам похат кутан Иисус антом ус. Хун мутра ёх матсат, Иосиф уԓама Тураман китам ангел ёхтас па ястас: ”Нох киԓа, Няврэм па āув аӈкеԓ уи па Египет мува хонта. Щита хащаты ма ястатэм унты, Ирод Няврэм сāрма пайтты учаԓ”. Иосиф атаԓан нох киԓас па Няврэм па Мария пиԓан Египет мува манас.
Матфей 2:1-18
*аох понты – поклониться; кланяться
*бХристос – Богом обещанный Царь-Спаситель
*вТурам ясаӈ туты хоят Нэпекан – в книге пророка
64 