Выбрать язык
Выбрать рассказ Ветхого Завета
Выбрать рассказ Нового Завета
Хун Мария хоԓна няврэм сэма ăт пайтас, ԓувеԓа па Иосифа мосас хув юша пайтасты, Рим мув Август нэмпи хон пāртас иса хон муван уԓты ёх нэпека ханшты. Кашӈ хоята мосас ԓув рут вошаԓа манты. Иосиф па Мария ”Давид*а рут эԓты усӈан, щи Давид Израиль муван ”щёрс таԓ¹ Иисус сэма питтаԓ еԓпийн хона ус.
Иосиф па Мария Давид хон рут Вифлеем воша матсаӈан. Назарет вош эԓты Вифлеем вош унты сот километр эԓты аршак. Щи порайн карты юш хуват яӈхты тутаӈ хопат па машинайт антом усат па щимащ юш каматса хатаԓ манас. Назарет вош Израиль мув овас пелакан ус, Галилей муван. Вифлеем вош – Израиль мув ”нум пелакан*б ус, Иудей муван. Галилей мув эԓты Иудей мува манман мосас Самарий мув мохты манты, па Самарий па Иудей мувӈан паԓ кев таха ар тайсаӈан.
Хун Иосиф па Мария Вифлеем воша ёхатсаӈан, оԓты таха мойӈ хотан антом ус. Марияя няврэм сэма пайтты порая йис. ”āув Похаԓ сэма пайтсаԓы, Оԓаӈ Няврэмаԓ, āувеԓ ”ёвартсаԓы*в па вой ԓэты хошапа потсаԓы,” – щиты муӈ ԓуӈатԓув Библияйн. Иосиф па Мария вой ԓойты тахайн ԓэщатысӈан. Катра потрат хуват, щит ”кев ур ԓыпийн*г ус. Щи муватан ōш шавиты ёх щимащ кев ур ԓыпет ōшԓаԓ уԓты тахая ԓэщатыман тайсэԓ.
Иосиф Пох Иисус нэман масԓы.
Лука 2:1-7; Матфей 1:24-25
*а Давид – 48-мет страницайн ԓуӈта.
*б нум пелак – юг
*в ёварты – спеленать
*г кев ур ԓыпийн – в пещере
60 