Выбрать язык
Выбрать рассказ Ветхого Завета
Выбрать рассказ Нового Завета
Турам āув Похаԓ Иисус Христос мира китсаԓы ёх карэк юр па сāрăм юр*а эԓты нох пайтты ураӈан. āув сэма питмаԓ юпийн муван яԓап пора питас. Мирэв уԓапса таԓат Иисус Христос Сэма питам пора эԓты ԓуӈтасты питсат.
Иисус сэма питам вер пищаӈ*б. Щит тамиты ус. Израиль мув овас пелакан¹ уԓты Назарет ай вошан Мария нэмпи эви ус. āув Турам сама рахман тайсаԓы¹, па ԓув вещкат сам тайс. Ипуш Тураман китам Гавриил ангел¹ Мария хоща ёхтас. āувеԓ шияԓаман, Мария паԓтамас. Туп ангел ԓувеԓ ястас: ”Āԓ паԓа, Мария! Турам наӈена ям номас понас*в! Наӈ Пох сэма пайтԓан, па āувеԓ Иисус нэман маԓэн.”
Мария щи порайн Турма эваԓты Иосиф ям хоят пиԓан поры кема ԓэщатман ус*г. Па ԓув ангел инщасас: ”Муй щиран щиты питаԓ, хун ма хоԓна хоятан ăт тусайм?” Ангел ԓувеԓ ёхԓы ястас: ”Емаӈ āыԓ наӈена питаԓ*д – щит, Турам юран ёхатԓайн. Щит ураӈан наӈ сэма питты Емаӈ Няврэмен Турам Поха айԓты питԓа.” Мария ястас: ”Ма Турам ясаӈ хуват уԓты нэ. Āт питаԓ манэм щиты, хоты наӈ ястасан.”
Иосиф, хун уйтсаԓы Мария няврэм ԓаваԓты вер эԓты, ăт ԓаӈхас ԓувеԓ нэӈа уты. Туп оԓмаԓ порайн Турам ангел ёхтас па ястас: ”Иосиф! Āԓ паԓа Мария нэӈа утыя, ԓув тайты Няврэмаԓ – Емаӈ āыԓ эԓты. āув сэма пайтаԓ Пох, па наӈ āувеԓ Иисус нэман маԓэн, āув хоятат карэкԓаԓ эԓты нох пайтԓаԓы.” Иисус нэм еврей ёх ясаӈан – щит ”Тураман (хоят) нох пайтԓа”.
Матфей 1:18-21; Лука 1:26-35, 38
*а карэк юр па сāрăм юр – власть греха c смерти
*б пищаӈ – здесь: удивительно
*в наӈена ям номас понас – проявил благодать к тебе
*г поры кема ԓэщатман ус – была помолвлена
*д Емаӈ āыԓ – Святой Дух, словарь ванта; Емаӈ āыԓ наӈена питаԓ – Дух Святой снизойдёт на тебя
58 