Выбрать язык
Выбрать рассказ Ветхого Завета
Выбрать рассказ Нового Завета
Там нэпек оԓаӈан потартԓа, хоты Турам хоят верас āув хорпеԓа. Турам ԓаӈхас, ԓуԓан хоят щимащ āт ус, муй хорпи āув: ям сампи*б, вещкат¹, карэкԓы. Туп оԓаӈ хоятӈан – Адам па Ева – оԓӈа Турам хуԓатсаӈан, туп щаԓта, и моԓтыйн, анта Турам ястам щиран версат. Щит карэк*в ус. И ванан¹ мув щи арат карэкаӈа йис па Турам ястас: ”Хоԓыя атам вера питсат, антом ям верты от, и от антом.”
Карэк Турам эԓты хоят еԓ пайтԓаԓы. Туп Турам хоят сама рахман тайԓаԓы, па āув нох пайтты вер¹ хоята ԓэщатас. ā ув и мир ёх пирийс¹, щи мир ёх āувеԓа, ԓыԓаӈ Турма, эваԓты вер¹ āт шависԓы, па āув пāртам ясаӈԓаԓ*г хуват āт ус – щит израиль мир ёх. Турам ясаӈ мас ям вера пайтты¹ иса мир ёхат Израиль мир ёх хуват.
Турам āув ясаӈԓаԓ туты ёхԓаԓ хуват израиль мир ёха ястас: ”Хоятат Нох Пайтты¹ От мира ёхатаԓ.” Щи Хоятат Нох Пайтты От – Иисус Христос, Турам Пох. Емаӈ Нэпекан, Библияйн, Хоятат Нох Пайтты От эԓты хашман уԓԓа. Исаия Турам ясаӈ туты хоят Турам Пох сэма питты вер эԓты ԓапат сот таԓ сэма питтаԓ еԓпийн ястас.
Исаия Турам ясаӈ туты хоят Нэпек эԓты муӈ уйтԓэв, муй воԓаӈ вер ураӈан Мессия – Иисус Христос, ёхатаԓ. Муӈ ин уйтԓэв, āув хоятат карэк юр*д эԓты нох пайтты ёхтас, хоятат Турам ещаԓт вохты. āув ёхтас āувеԓа сāрăм уты муӈ карэкԓув ураӈан, па щиты муӈев нох пайтты.
Иса щи ястам ясӈат вера питсат Иисус Христос мува ёхтам порайн. Еԓԓы муӈ нэпекеван Иисус сэма питам вер эԓты потартԓа, āув уԓапсайԓ па утаԓтаты вераԓ¹ эԓты, āув сāрмăԓ эԓты па сāрăм эԓты нох питам вер¹ эԓты.
Псалом 13:3; Исаия 9:6; 52:13-15; 53; Михей 5:2
*а Мессия. Еврей мир ёх ясаӈан Мессия – Нёсытам От (Помазанник), грек мир ёх ясаӈан Нёсытам От – Христос.
*б ям сампи – здесь: милосердный
*в карэк – грех, словарь ванта
*г пāртам ясӈат (Турам пāртам ясӈат) – словарь ванта
*д карэк юр – власть греха
56 