Выбрать язык
Выбрать рассказ Ветхого Завета
Выбрать рассказ Нового Завета
Ипуш Иона – Турам ясаӈ туты хоят, Турам эԓты щимащ партапса мощатас: ”Ниневия ун воша мана па вош мохета яста, ԓув шек карэкаӈа уԓԓат, Ма шияԓасԓэм ԓув атам верԓаԓ.” Иона Турам ăт хуԓантас. āув хонтас па ун хопа ԓэԓас, щи ун хоп воԓԓы па тахая манас. Туп Турам шек паԓтап вот щарса китас, па ун хоп хащ шy̆каԓас. Ун хопан рупитты ёх ԓув турамԓаԓа*а пойкащты питсат па ун вот антома верты вохсат. Иона щи кеман ун хоп ԓыпийн такан оԓас. Ун хоп кущайн Иона нох куртса: ”Муй щиран наӈ верытԓан оԓты? Нох киԓа па наӈ Турмена пойкаща. Мосаӈ, āув муӈев нётаԓ!” Иона ястас: ”Манэм уяԓан па щарса вощкаԓан па ун вот етшаԓ. Ма уйтԓэм, щит ма урӈеман щимащ ун вот.” Иона щарса вощкаса, па ун вот шитама йис.
Турам шек ун хуԓ китас Иона ёхи ԓэвематы кеша. Хуԓам хатаԓ па хуԓам ат Иона шек ун хуԓ хāн ԓыпийн ус. Па Турма пойкащас. Щи юпийн Тураман хуԓ пāртса Иона y̆ты ляксаты, сорам тахая.
Па Турам Ионая кимет пуш ястас: ”Мана Ниневия ун воша па щита уԓты мохета яста щит, муй Ма наӈен пāртсэм.” Ин Иона Турам хуԓантас па Ниневия воша манас. Тохи ёхатман, ԓув юш хулэт хуват такан увман мохета потарты питас: ”Няԓъяӈ¹ хатаԓ юпийн Ниневия вош шy̆катԓа!” Хун Ниневия вош хон щит эԓты хуԓсаԓы, ԓув иса вошан уԓты мохета пост верты¹ пāртас па такан Турма пойкащты карэкԓаԓ еԓ пайтты*б ураӈан. Вошан уԓты мохет Турма эваԓсат па эваԓсат щита, муй ԓувиԓаԓ ястас Иона Турам ясаӈ туты хоят. Па хун Турам шияԓасԓы, хоты Ниневия вош мохет атам ликаӈ верԓаԓ еԓ хайсаԓԓаԓ, āув ԓув пойкащԓаԓ хуԓсаԓы па ԓувиԓаԓ щалитсаԓы.
Иона 1 - 4
*а ԓув турамԓаԓа – своим богам
*б карэкат еԓ пайтты – простить грехи
54 