Выбрать язык
Выбрать рассказ Ветхого Завета
Выбрать рассказ Нового Завета
Вавилон муван Дарий хон порайн Даниил нэмпи и израиль ху рупитас. Куш Даниил па турмата эваԓты хон хотан рупитман ус, ԓув вещката Турам ещаԓт ус. Щит ураӈан Тураман ԓув мутрайн¹ маса, па Дарий хон иса хон муваԓан Даниил кимет кущая понты ԓаӈхас. Хон мув ун кущайт атам сэман Даниил пеԓа ватман питсат нумасты, муй щиран Даниил вунавта верты¹, туп ԓув нэмаԓты вунавт уйтты ăт верытсат. Па и кеман хон мув ун кущайт ущмараӈ*а номас вер āша пайтсат. āув хона ястасат: ”Закон ԓэщата, хота ястаман āт ус, хольмаӈ хатаԓ мар кеман¹ ăт рахас ԓуԓан пойкащты матты турмат эԓты муй хоят эԓты, туп Дарий хон эԓты рахаԓ. Хой щи закон щиран уԓты ăт питаԓ, щитэн кев уран верам уса, хота лев нэмпи войт катаԓԓайт, вощкаты.” Хон ăт уйтас, муя щиты верты мосаԓ па щи закон хашсаԓы.
Даниил щи закон эԓты хуԓас, туп Турма пойкащас, хоты иса верас. Ун кущайт хона щит эԓты ястасат, па щитэн марэмаӈа¹ йис па нумасты питас, хоты Даниил нох пайтты. Туп хон верам закон нэмаԓты щиран па щира верты ăт рахас. Хон партас Даниил тутыя па Кев уран верам уса лев войт хоща вощкаты. Хон Даниила ястас: ”Наӈ Турмен, Матэна иса пойкащԓан, наӈен нох āт¹ пайтԓаԓы!” Хон ԓув хон хотаԓа манас, туп таԓаӈ ат ăт верытас иԓ войпты. Шек аԓаӈсахат хон лев войт омасты ус хоща тэрматыйс па Даниил вохас: ”Даниил, наӈ Турмен верытас наӈен лев войт эԓты нох пайтты?” Даниил ёхԓы ястас: ”Турам āув и ангелаԓ китас па лев войт уӈԓаԓ лап петсаԓы, па лев войт манэм нэмаԓты атам ăт версат.” Хон шек амтас, па Даниил ус эԓты нох уты партсаԓы. Щи юпийн хон партас уса вощкаты щи ёхат, хойтат Даниил вунавта версэԓ. Ëев воитан щитԓан мохты лакки машсайт.
Щи юпийн Дарий хон нэпек ханшас иса ԓув хон муваԓа па па мир ёхата. āув партас иса мохета ԓув хон муваԓан ям номасан Даниил Турам тайтыя па щи Турма пойкащтыя. Турма, Маты воԓаӈ мутрайт¹ вераԓ, Хой верытас лев войт эԓты Даниил нох пайтты.
Даниил 1:1-21; 5:31 - 6:28
*аущмараӈ – здесь: хитрый
52 