Выбрать язык
Выбрать рассказ Ветхого Завета
Выбрать рассказ Нового Завета
Няԓъяӈ таԓ израиль мир ёх хоятԓы руваӈ мув хуват яӈхас. Сāрма питсат Моисей, па Аарон яйԓ. Ин израиль мир ёх Иисус Навин нэмпи хоят тус, па Турам ԓувеԓ нётас.
Турам ясаӈ мас израиль мир ёха шек ям Ханаан мув маты. Па хун ԓув Ханаан мув пуӈԓа ёхатты питсат, ԓув уйтсэԓ, Ханаан муван каман арсыр ар мир ёх уԓ. Па щита тэԓыя вош ус. Туп Ханаан муван уԓты ёх шек карэкаӈат усат, па Турам номас ус Ханаан мув израиль мир ёха матыя.
Оԓаӈан израиль мир ёха мосас Иордан ёхан шоппи манты. Иордан ёхан пуӈԓа ёхатԓат. Муй щиран ԓувиԓаԓ ёхан па пелка пайтасты? Хуԓам хатаԓ ёхан пуӈаԓан ԓойсат. Щи юпийн ԓув пойкащсат па пост версат*а, па няԓмет хатаԓан Иисус Навин нэмпи хоятан манты пāртсайт. Оԓӈа поп икет¹ матсат, туп ԓув курԓаԓ йиӈка эсаԓсаԓԓаԓ, йиӈк нох воԓыйс мантыя. Ёхан паты хуват шоппи юш тыяс. Юш и пелак эԓты йиӈк паԓа ԓойс, па кимет пелкан йиӈк ёхан эԓты воԓԓы щарса манас. Поп икет ёхан кутапан ёхан патыйн ԓойсат мохет ёхан па пелка мантэԓ унты. Хун поп икет ёхан эԓты уты охаԓсат, ёхан манмаԓ щиран манты питас.
Щи юпийн Турам нётас израиль мир ёха Иерихон так вош лялян ёша пайтты, па иса Ханаан мув. Иисус Навин нэмпи хоят Ханаан мув ортсаԓы израиль мир ёх кутан, Иаков похат катхощьяӈ рут мир кутан. Па питсат ԓув Тураман миям ям муван уԓты.
Числайт 13; 20:22-29; Кимет закон (Второзаконие) 9:1-6;
Иисус Навин 1:1-2; 3:1 - 4:24; 6:1 - 21:45
*апост верты – поститься
46 