Выбрать язык
Выбрать рассказ Ветхого Завета
Выбрать рассказ Нового Завета
Икеман израиль мир ёх Тураман ястам Ханаан мув хоща вана ёхатсат. Щи ван муван моав мир ёх ус, щи ёхԓан израиль мир ёх эԓты паԓтамасат. Хун моав хон моштасԓы, хоты израиль мир ёх вана ёхтас, ԓув Валаам нэмпи хоята ясаӈ мохет пиԓан китас: ”Юва па атам ликаӈ ясаӈ кита*бизраиль мир ёха.”
Осёл нэмпи нэ вой шанша омасман Валаам мохет пиԓан юша пайтасас. Турам Валаам манмаԓ ураӈан ун лика питас. И мохтыйн Тураман китам ангел¹ аԓты кеши ёшан катаԓман юшан этмас. Осёл нэмпи нэ вой ангел шияԓасԓы, Валаам ангел ăт вантас. Осёл паԓтамаман юш эԓты хара пайтасас. Валаам войԓ сэкты питсаԓы.
Вой юша ёхԓы ёхтас, туп яԓпа ангел шияԓас па нох ԓойс. Па щи Валааман сэкса. Еԓԓы матсат. Ангел па щи юшан ԓойс, па осёл воя сэма питас. Вой юша оԓас, Валаам ликан этса па войԓ юх шупан сэкты питсаԓы. Щи порайн Тураман осёл нэмпи вой потарты куман маса па вой ястас: ”Муй ма наӈен версам, муя манэм сэкԓэн?” Щаԓта Турам Валаам сэмӈан пуншас, па ԓув ангел аԓты кеши пиԓан шияԓас. Валаам шāнша ракнас па мув унты ох понас. Ангел ястас: ”Муй ураӈан наӈ вой сэксэн? Наӈ юшен Турма ăт рахаԓ.” Валаам ёхԓы ястас: ”Ма карэк версам па ма, ԓаӈхаԓайн ки, ёхи манԓам.” Ангелан ястаса: ”Мана ясаӈ тувам мохет пиԓан, туп моав хона потарта щит, муй ма наӈен потарты питԓам.”
Щиты Валаам моав ёх хоща ёхтас. Моав хон ястас: ”Манԓув, па атам ликаӈ ясаӈ кита израиль мир ёха.” Па Валаам ястас: ”Муй щиран ма атам ликаӈ ясаӈ китԓам Израиля, хун Тураман ԓув атам ликаӈ ясаӈан ăт китԓайт?” Па Валаам хуԓам пуш ястас, Турам израиль мир ёха ям верты питаԓ.
Числайт 22:1 - 24:25
*а Турам ясаӈ туты хоят – пророк
*б атам ликаӈ ясаӈ китты – проклясть
44 